En que consiste este servizo

A emisión da tarxeta universitaria (TUI) é o proceso mediante o que a comunidade universitaria pode obter a súa tarxeta acreditativa.

A tarxeta universitaria é a credencial que permite a identificación de todos os integrantes da comunidade universitaria, brinda acceso a múltiples servizos tecnolóxicos e constitúe un avanzado sistema de información, xestión, acreditación, préstamo bibliotecario, acceso a recintos...

En caso de extinción ou suspensión da vinculación entre o/a usuario/a da tarxeta e a UDC, pérdese o dereito ao seu uso.

Que non inclúe este servizo

• A emisión da tarxeta bibliotecaria para usuarios/as externos non pertencentes á comunidade universitaria.
• A emisión de tarxetas de acceso a actividades deportivas, recintos ou aparcadoiros para usuarios/as non pertencentes á comunidade universitaria.
  
  

Quen pode facer uso deste servizo

Alumnado de grao, máster universitario, doutoramento, estudos propios e Universidade Sénior matriculado na UDC que teña pagada a cota correspondente á tarxeta universitaria para o presente curso académico.

Persoal docente e investigador da UDC

Persoal de administración e servizos da UDC

Persoal da UDC contratado con cargo a fondos orzamentarios do Capítulo VI.

 

Condicións de uso

A tarxeta universitaria é a credencial que permite a identificación de todos/as os/as integrantes da comunidade universitaria, brinda acceso a múltiples servizos tecnolóxicos e constitúe un avanzado sistema de información, xestión e acreditación.

A tarxeta universitaria é unha tarxeta persoal e intransferible. A persoa titular é responsable dos actos administrativos que fosen validados e autenticados coa tarxeta que a identifica. Se es estudante, para ter dereito a ela é necesario que esteas matriculado/a na UDC e pagues a cota anual correspondente.

En caso de extinción ou suspensión da vinculación entre o/a usuario/a da tarxeta e a UDC, pérdese o dereito ao seu uso.