Bicis na UDC

Ruta en bici e obradoiro de ergonomía

Ruta e obradoiro

Resolución das solicitudes de préstamo de bicicletas UDC 2012

Nesta ligazón Relación provisional de solicitudes de préstamo de bicicletas recóllese a lista das primeiras 160 solicitudes (Táboa 1), que inclúe as persoas beneficiadas co préstamo dunha bicicleta máis as primeiras 28 solicitudes suplentes. Recóllese tamén a lista completa de solicitudes.

O elevado número de solicitudes (347) fai que non se poidan satisfacer a maioría delas.

As reclamacións a esta lista deben cursarse por correo eléctrónico ao enderezo bicis@udc.es

Nos próximos días, as persoas beneficiadas do préstamo recibirán información por correo electrónico de como proceder para a recollida de bicicleta.

SOMOS TRÁFICO: pequena guía do uso da bicicleta como medio de transporte

Esta guía informa sobre medidas de seguridade e outros consellos para desprazarse polas cidades: como circular entre os coches, que posición adoptar na calzada e á saída dos semáforos, ou cales son os equipamentos básicos (luz, timbre, reflectante etc.)

Somos tráfico

Informe e avaliación do préstamo de bicicletas no curso 2010-2011

Informe e avaliación do préstamo de bicicletas no curso 2010-2011

Programa de préstamo de bicicletas na UDC: convocatoria de solicitudes para o Curso 2012/2013

As persoas interesados no préstamo dunha bicicleta deberán cursar a súa solicitude a través dunha aplicación informática que estará dispoñíbel nesta web (http://www.udc.es/sociedade/medio_ambiente/bicis/) desde o vindeiro 20 de setembro.

Terán prioridade as persoas solicitantes que non accederan ao préstamo nas dúas convocatorias anteriores (cursos 2010-2011 e 2011-2012). Tendo en conta o anterior, a adxudicación das bicicletas farase en función da orde de inscrición, ata esgotar o número máximo de bicicletas dispoñíbeis en cada un dos tamaños. A oferta atinxe nesta convocatoria a unhas 110 unidades, a metade aproximadamente de tamaño grande (28”) e outra metade de tamaño medio (26”).

O prazo para a inscrición de solicitudes vai do 20 ao 27 de setembro de 2012

Máis información: Convocatoria programa de préstamo de bicicletas 2012/2013

Solicitude bicis 2012/2013
Nota: o formulario de solicitude non se activará até o 20 de setembro de 2012 ás 13 h, e estará aberto até o 27 de setembro ás 14:00 h.

Circulación en bicicleta, como acceder á UDC

En resposta ás dúbidas formuladas por participantes no Programa de Préstamo de Bicicletas, redactáronse unha serie de documentos aos que se pode acceder ao final deste parágrafo. Neles poden atoparse información sobre a circulación pola cidade da Coruña e o acceso aos campus de forma segura para os membros da comunidade universitaria que desexen usar a bicicleta para os seus desprazamentos. O deseño dos itinerarios para o acceso en bicicleta a UDC foi realizado polo membros da asociación Mobi-Liza (Asociación por unha Mobilidade Responsable). O traxecto desde a Ponte Pasaxe e o Burgo explícase polo miúdo no primeiro destes documentos.

• Rutas de acceso ó campus en bicicleta
• Acceso á UDC desde fóra da Coruña (Ponte Pasaxe e O Burgo)
• Campus Elviña (UDC)-A Palloza
• A Palloza- Campus Elviña (UDC)