Depuración ecolóxica e autoxestionada

Visita á planta piloto de humidais construídos

15 de novembro, 12:00 h
ETSA (Arquitectura, A Zapateira)

Visita á planta piloto de humidais construídos
Por David de la Varga, da empresa Sedaqua, spin off da UDC
Inscricións en oma3@udc.gal

A depuración en humidais construídos adáptase a calquera nivel de escala, desde a vivenda unifamiliar até aldeas e vilas duns poucos miles de habitantes. Trátase dun sistema de fitodepuración, depuración mediante plantas como xuncos, espadas ou carrizos, que non consume enerxía nin precisa de produtos químicos. Procesos naturais para unha vida máis sostible.

Nesta actividade poderás coñecer os fundamentos e as técnicas construtivas deste tipo de depuradora, a situación en Galiza, e mesmo visitar unha planta piloto demostrativa.

Organizado pola Oficina de Medio Ambiente da UDC, coa colaboración do Concello da Coruña.

Actividade acollida ao recoñecemento de créditos para estudantes de grao da UDC: poderás convalidar un crédito por cada 10 h de actividades de educación para a sustentabilidade nos programas da Oficina de Medio Ambiente.