Próximas actividades de voluntariado ambiental na UDC

Seguindo a programación da primavera ambiental, a Oficina de Medio Ambiente convoca dúas actividades de voluntariado ambiental en colaboración coa Asociación para a Defensa Ecolóxica de Galiza (ADEGA) que se celebrarán o 22 e 29 de maio no Campus da Zapateira.

O 22 de maio, conmemorando o día mundial da biodiversidade, aproveitaremos para construír unha charca no monte da Fraga, o que favorece a recuperación das poboacións de anfibios, odonatos…

O 29 de maio aproveitaremos para eliminar especies exóticas invasoras no monte da Fraga. As especies exóticas invasoras son hoxe a segunda causa de perda de biodiversidade no planeta.

Cada unha das xornadas de traballo irá acompañada dunha charla introdutoria para coñecer a problemática.

O programa é o seguinte:

Xornada de construción dunha charca o día 22 de maio

• 10:30h Charla “Charcas con vida”. Facultade de ciencias, salón de actos, relatora: Lucia Parente. Educadora ambiental de ADEGA
• 11:30h Comezo da xornada de traballo no monte da Fraga.
• Xantar con produtos ecolóxicos.
• 17:00h Remate da xornada de traballo.

Xornada de eliminación de flora exótica invasora o día 29 de maio

• 10:30h Charla especies exóticas invasoras. Facultade de ciencias, salón de actos, relator: Ramses Pérez. Educador ambiental de ADEGA 11.30h Comezo da xornada de eliminación de flora exótica invasora no monte da Fraga.
• 14:30h Remate da xornada de traballo.

Para participar na xornada é importante inscribirse no correo oma3@udc.es para que poidamos preparar a ferramenta e o xantar.

Podedes anotarvos á unha ou ás dúas xornadas. No caso de non poder asistir á xornada completa, e queredes participar un tempo limitado, tamén podedes facelo: enviade un correo indicando a vosa dispoñibilidade.