Proxecto Ríos na UDC os días 30 de novembro e 1 de decembro

Voluntariado ambiental

A Oficina de Medio Ambiente da Universidade da Coruña organiza, en colaboración coa Asociación Ecoloxista ADEGA e o Proxecto Ríos, dúas xornadas de Voluntariado Ambiental na UDC.

O mércores 30 de novembro ás 12:00, no salón de actos da Facultade de Ciencias (Campus da Zapateira), terá lugar unha charla informativa do Proxecto Ríos.

O xoves 1 de decembro, desde ás 11:00 e ata as 14:00 desenvolverase a actividade "Limpeza do río Lagar", sendo o punto de encontro o Edificio de Servizos Centrais de Investigación (Campus de Elviña).

Salientar que podedes incorporarvos ás actividades no momento que queirades. Para participar na limpeza, cómpre levar roupa e calzado axeitado.

Se precisades máis información ou queredes contactar con nós ou cos nosos colaboradores podedes facelo nos seguintes enderezos de correo-e e teléfonos:
oma2@udc.es / 981 16 70 00 ext. 5693
lucia@adega.info / 981 57 00 99

Cartel da actividade