Actividades (histórico)
Curso 2012/2013
Crónica da III Feira da Sustentabilidade (Feira de Nadal)
Programa da III Feira da Sustentabilidade. Feira de Nadal
Ruta en bici e obradoiro de ergonomía
Curso 2011/2012
MEMORIA ACTIVIDADES do persoal bolseiro 2011-2012
Obradoiro "Ergonomía e mantemento básico da bicicleta"
I Ciclo de conferencias Responsabilidade Social e Medio Ambiente
Xornadas de Voluntariado na UDC
Proxecto Ríos na UDC os días 30 de novembro e 1 de decembro
Curso 2010/2011
Memoria de actividades de divulgación ambiental do persoal bolseiro 2010-2011
Xornada sobre a compostaxe na UDC
Primavera ambiental na UDC - Do 14 de abril ao 12 de maio 2011
Exposición sobre a pegada ecolóxica na UDC
I Feira da Sustentabilidade na Facultade de Ciencias da UDC
O xoves día 2 de decembro a partir das 11:30, no corredor principal da Facultade de Ciencias terá lugar a I Feira Sustentable da UDC. Creativa, amena, divertida...na que as persoas participantes van ter moito que dicir.
Esta feira, organizada pola SGEA, a FEG e a Oficina de Medio ambiente da UDC, ofrece diferentes espazos interactivos nos que a comunidade universitaria poderá afondar sobre a problemática socioambiental e a súa relación coa nosa pegada ecolóxica dunha forma creativa e moi participativa.
Para fomentar dita participación, ás persoas que se acheguen ao espazo e se involucren no mesmo poderán gozar de balde dunha bebida de comercio xusto e mais dun doce (galleta, rosquilla ou equivalente) de produción ecolóxica e local.
Este espazo contará cun mercado do troco, onde todas as persoas que o desexen poderán trocar obxectos que traian das súas casas, que xa non precisen mais que estean en bo estado, por outros que outras persoas trouxeron e que lles poden ser útiles.
Tamén haberá un mural de elaboración participativa sobre os nosos hábitos insustentables, é o Miradoiro da Insustentabilidade; sinxelos xogos que convidan á reflexión denominados Retos da Sustentabilidade; un espazo dedicado á construción conxunta da complexidade da problemática ambiental, a través do taboleiro Miúdo Lío; e outro mural de elaboración participativa denominado Miradoiro da Sustentabilidade.
A maiores contaremos cunha zona dedicada ao comercio xusto e outra dedicada aos produtos ecolóxicos locais e de tempada e poderemos visualizar a exposición sobre a Pegada Ecolóxica elaborada pola SGEA, FEG e a UDC. Esta exposición contén os primeiros datos dispoñíbeis sobre a pegada ecolóxica da propia UDC.
E todo o espazo estará dinamizado polo inigualable I-man que nos sorprenderá nos momentos máis inesperados...
Contarase ademais co apoio da rede de bolseiras e bolseiros da Oficina de Medio Ambiente que axudarán na difusión e desenvolvemento desta I Feira da Sustentabilidade da UDC.
Ponte as botas na UDC
Xoves 25 de novembro, a partir das 11:30 a 14 h.
Punto de encontro: rampla do Edificio de Servizos Centrais de Investigación entre 11:30 e 12:10 h. Limpeza no Río do Lagar, entre 12:10 e 14:00 h.
Cómpre levar roupa e calzado axeitados, para achegarse ao río.
Un dos problemas máis graves que sofren os nosos ríos segue a ser a gran cantidade de lixo que aparece nos leitos e ribeiras, maiormente plásticos e entullos. Dende o Proxecto Ríos e a UDC queremos concienciar da necesidade de manter limpos os nosos ríos e promover actitudes responsábeis cara a conservación do medio. O coidado e o respecto polo contorno farían innecesarias nun futuro actividades como esta, de aí que depende de todos/as frear a contaminación que están a sufrir os ríos. Entregarase aos participantes un Protocolo para a limpeza ecolóxica e respectuosa dos ecosistemas fluviais, así como o material necesario para a limpeza.
As persoas que queiran participar nesta actividade deberán anotarse previamente enviando un correo a oma2@udc.es
Informe das actividades realizadas no marco do Proxecto Ríos na UDC
Día Mundial do Medio Ambiente 2010
Venres 4 de xuño, ás 12 h:
Visita guiada ao monte da Fraga (A Zapateira) e participación na eliminación manual de especies invasoras (eucalipto e outras)
Lugar: cita ás 12 h ao pé do invernadoiro no lateral da Facultade de Ciencias. Posibilidade de incorporación posterior aos traballos de eliminación da flora invasora, até as 13:30 h.
Luns 7 de xuño, ás 13 h:
Saída en bicicleta desde Elviña ate a praza da Palloza (A Coruña)
Lugar: Edificio Xoana Capdevielle (Elviña), ás 13 h; Rotonda pistas polideportivas ás 13:15 h, e chegada á praza da Palloza ás 14 h.
Non é preciso inscrición.
Máis información: Actividades Día Mundial do Medio Ambiente 2010
Cartaz do Día Mundial Mundial do Medio Ambiente 2010
Voluntariado ambiental e proxecto ríos
En xaneiro de 2010 comezou no campus central da UDC un programa de voluntariado ambiental seguindo a metodoloxía do proxecto Ríos, coa que se busca coñecer, inspeccionar e avaliar a situación ambiental tanto dos ríos que transcorren polo espazo do campus como do contorno asociado a eles. Prestarase especial atención ao estudo da flora invasora no campus e ás fórmulas de custodia do territorio.
O proxecto contará con actividades que se desenvolverán dende xaneiro a maio de 2010, ás que progresivamente poderán incorporarse as persoas interesadas.
Poden apuntarse tanto persoas a nivel individual (estudantes, PDI e PAS) como grupos autoorganizados, incluíndo grupos de alumnos de materias relacionadas coa xestión da auga e os ríos, ou a xestión e a educación ambiental. Así mesmo, é posíbel a participación de persoas de fóra da UDC.
Lugar: campus central da UDC ((Elviña-A Zapateira)
Datas: xaneiro-maio 2010
Máis información: Proxecto ríos
Universidade da Coruña
Rúa da Maestranza, 9
15001 A Coruña
+34 981 167 000