Oficina para a Igualdade de Xénero

A Oficina para a Igualdade de Xénero (OIX) adscrita á Vicerreitoría de Ferrol e Responsabilidade Social, foi promovida pola Universidade da Coruña para cumprir o principio de igualdade entre mulleres e homes. A súa constitución foi aprobada na sesión do Consello de Goberno do 14 de decembro de 2006 e a Oficina leva en funcionamento desde o día 10 de marzo de 2007.

O ámbito de actuación da OIX abrangue a totalidade da comunidade universitaria: persoal docente e investigador, estudantado e persoal de administración e servizos. A OIX como órgano técnico, tal como se sinala no seu Regulamento, é responsable da elaboración de propostas de actuacións e da realización de estudos para a información e o debate, ademais de intervir como observatorio das situacións de xénero no marco da comunidade universitaria.

Na actualidade está dirixida por Ana Jesús López Díaz, profesora da Escola Politécnica Superior, e ten a súa sede no Edificio de Servicios Administrativos do Campus de Esteiro (Ferrol).

Tel: 981 337400 ext. 3693
e-mail: oficina.igualdade@udc.es
Páxina web da OIX

Outros enlaces de interese:

Instituto de la Mujer
Unidade de Muller e Ciencia
European Comission. Women And Gender In Research
Unidad de Mujeres y Ciencia (UMYC)