Comisións
Comisión de doutoramento
Son competencias desta Comisión, entre outras:
- Elaborar un regulamento de estudos de doutoramento, así como de defensa de teses de doutoramento e expedición do título de doutor.
- Aprobar os programas de doutoramento e facer pública a relación de ditos programas.
- Propoñer ao reitor a composición dos tribunais da tese de doutoramento.
- Determinar o número mínimo de alumnos que teñan que matricularse en cada curso ou seminario, para que este poida celebrarse.
- Ampliar o prazo de presentación da tese de doutoramento.
- Recibir os exemplares das teses de doutoramento e informar do seu depósito.
- Decidir a admisión ou non a trámite da lectura da tese de doutoramento.
- Conservar os exemplares das teses de doutoramento aprobadas.
- Controlar o desenvolvemento dos programas de doutoramento.
- Resolver as solicitudes de validación de créditos cursados noutras Universidades, así como dos cursos de doutoramento.
- Autorizar aos estudantes que tivesen comezado o traballo da tese de doutoramento noutra Universidade, a proseguir a tese nun departamento desta Universidade.
Composición
- Profesores (6)
Comisión de reclamacións de prazas de interinos, contratados e axudantes
Esta comisión ten a competencia de resolver as reclamacións contra as resolucións das comisións para xulgar prazas de profesores interinos, contratados e axudantes.
Estará constituída polo Vicerreitor da área de Profesorado, que a presidirá, por seis profesores numerarios dos que catro terán que ser doutores, un de cada un dos ámbitos científicos, e un estudante.
Composición
- Vicerreitores (1)
- Profesores (6)
- Representantes dos Estudantes (1)
Comisión de reclamacións
Esta comisión ten como función valorar as reclamacións que se presenten contra as resolucións das comisións de prazas de catedráticos e profesores titulares.
Será presidida polo Reitor e estará constituída por seis catedráticos de universidade, de diversas áreas de coñocemento con ampla experiencia docente e investigadora.
Composición
- Reitor (1)
- Profesores (6)
Comisión electoral central
Correspóndelle regular as eleccións dos membros do Claustro e do Reitor, e é o órgano competente para coñecer e resolver todas as cuestións derivadas destas e das demais eleccións contempladas nos Estatutos da Universidade.
Composición
- Secretario xeral
- Profesorado doutor con vinculación permanente (2)
- Restantes categorías do PDI (1)
- Estudantes (1)
- Persoal da administración e servizos (1)
- Secretario técnico do Campus de Ferrol
- Comisión de coordinación infomática
Esta comisión ten como función analizar a problemática informática desta universidade e realizar unha planificación axeitada desta.
Composición
- Reitor (1)
- Vicerreitores (2)
- Profesores (5)
- Director do SIAIN (1)
- Director do SIX (1)
- Responsable Rede Comunicacións (1)
- Xerente (1)
Comisión de biblioteca
Composición
- Vicerreitores (1)
- Xerente (1)
- Presidentes de Comisións de Bibliotecas de Centros (7)
- Estudantes (4)
- Representante dos SIC (1)
- Directores de Biblioteca (2)
- Representante dos xefes de sección (1)
- Director/a do Servizo de Biblioteca (1)
Comité de Seguranza e Saúde da UDC
As competencias e facultades do Comité de Seguranza e Saúde da UDC (CSS-UDC) son as que establece o artigo 39 da Lei de Prevención de Riscos Laborais (LPRL).
A composición é paritaria entre delegados de prevención e representantes da Administración Universitaria. O número de delegados/as de prevención é o que establece o artigo 35 da LPRL e determina a composición do CSS-UDC.
O/a presidente forma parte do colectivo de representantes da Administración Universitaria e o/a secretario/a do colectivo de delegados/as de prevención. O/a xefe/a do Servizo de Prevención de Riscos Laborais é membro nato, con voz e sen voto.
O CSS-UDC dispón dun regulamento de funcionamento.