Plano de normalización lingüística da UDC

O galego é unha lingua minorizada que, despois dunha primeira fase de normalización plena, sufriu un forte desprestixio social durante séculos cunha perda progresiva de falantes que se fixo máis importante ao longo do XX, especialmente desde os anos 50. Nas últimas décadas, as diferentes institucións galegas desenvolveron unha serie de medidas para superar esta fase e conseguir a total normalización da lingua galega. A Universidade da Coruña, comprometida coa cultura e coa lingua do país, comezou no seu día un proceso de elaboración do plano de normalización lingüística para se adaptar ao marco legal, que se iniciou coa redación do Regulamento de usos da lingua galega en 2004 e finalizou coa aprobación do Plano de normalización lingüística da Universidade da Coruña.

O Consello de Goberno da Universidade da Coruña, na súa reunión do 14 de decembro de 2006, aprobou sen ningún voto en contra, o Plano de normalización lingüística, que pode consultar e descargar.