Que é unha
CNL?
Unha comisión de normalización lingüística (CNL) é unha unidade de traballo, con representación dos tres sectores da comunidade universitaria, que ten como finalidade servir de nexo entre o SNL e as distintas facultades e escolas para garantir, no seu ámbito de actuación, a implementación das medidas establecidas no Plano de normalización lingüística da Universidade.
Para que
serve unha CNL?
Unha CNL ten, entre outras, as seguintes funcións:
- recoller datos que permitan dispormos dunha diagnose actualizada da realidade lingüística dos centros
- propor actuacións e definir obxectivos conducentes a unha maior presenza da lingua galega nos centros
- canalizar os intereses e as preocupacións dos membros da comunidade universitaria sobre calquera aspecto da normalización lingüística (queixas, suxestións...)
- difundir información e recursos que resultaren de interese para a difusión da lingua galega (materiais do SNL, cursos ou xornadas de formación...)
- fomentar a coordinación con outras comisións para o intercambio inter ou intrauniversitario de experiencias normalizadoras
En que
centros hai CNL?
Como facer para pertencer á CNL
dun centro?
Se es membro do PDI, do PAS ou estudante dalgún dos centros indicados enriba e queres participar na súa Comisión, ponte en contacto co SNL e/ou coa persoa que coordina o seu funcionamento.
Onde atopar documentos para o
traballo das CNL?
Desde o SNL pomos ao dispor dos membros das CNL unha serie de documentos de traballo (modelo de enquisas, ligazóns a recursos formativos, bibliografía de referencia...) que agardamos resulte de utilidade (...+).
Con que recursos económicos
contan as CNL?
Anualmente o Servizo de Normalización abre unha liña de axudas para que as comisións poidan levar adiante as súas actividades (...+).
Como crear unha CNL?
Se es membro do PDI, do PAS ou estudante dalgún dos centros en que non hai CNL e queres que a haxa, ponte en contacto co SNL e/ou faille chegar a túa proposta por escrito ao equipo de goberno do teu centro.
