Corrección e tradución

O SNL traballa para estender o uso da lingua galega na UDC, contribuír á mellora da calidade do galego que se emprega e homoxeneizar os usos que del se realizan nesta institución.
Para lograr este obxectivo poñemos á disposición da comunidade universitaria (PAS, PDI e alumnado) os seguintes servizos:

• Corrección e tradución de textos
• Resolución de dúbidas
• Establecemento de modelos de documentos
• Fixación de criterios lingüísticos
• Recursos

Este servizo ofrécelles aos membros da comunidade universitaria os servizos de revisión lingüística de documentos redactados en galego e de tradución de documentos en castelán para galego, con preferencia da revisión sobre a tradución, de forma gratuíta.

Pode enviarnos os seus documentos para revisar ou para traducir en formato electrónico. De os recibirmos en papel, faremos os cambios no propio documento e devolverémolos nese mesmo formato.

No ano 2007 editamos un Manual de documentos administrativos que recolle modelos comentados dos tipos de documento que máis se empregan na UDC e que pretende ser unha guía cómoda e práctica para redactar e elaborar documentos administrativos útiles e eficaces.

Manual de documentos administrativos