VI Curso de Verán de Lingua e Cultura Galegas para Persoas Estranxeiras

O SNL, co finaciamento da Secretaría Xeral de Política Lingüística, convoca a sexta edición do Curso de Verán de Lingua e Cultura Galega para Persoas Estranxeiras, que ten como obxectivo proporcionarlle ao alumnado un achegamento á lingua e á cultura propias de Galicia combinando as actividades teórico-prácticas con actividades culturais

Persoas destinatarias

Aquelas persoas de fóra de Galicia interesadas en se introduciren no estudo da lingua galega e en ampliaren os seus coñecementos sobre a cultura galega.

Niveis

Nivel elemental (A1-A2) de iniciación á lingua galega para as persoas que desexaren introducirse no seu coñecemento

Programa

Nivel intermedio (B1-B2), destinado a quen xa tiver realizado o curso elemental ou acreditar documentalmente un coñecemento básico do idioma

Programa

Calendario, duración e lugar de realización

Os cursos impartiranse do 1 ao 24 de xullo de 2013.

Número de prazas e bolsas

A Universidade concederá 16 bolsas de estadía de 500 € brutos (suxeitos, no caso das persoas estranxeiras, a un 24% de retención conforme co Real decreto lexislativo 5/2004).

Documentación

Formulario normalizado (Anexo I)
Fotocopia do documento de identidade (para cidadáns da Unión Europea) ou pasaporte
Impreso cos datos bancarios (Anexo IV) debidamente cuberto xunto cunha certificación da entidade bancaria
Currículo da persoa solicitante
Breve memoria en que figuraren as motivacións e o seu interese pola lingua galega
Se for posible, unha carta de presentación dun/ha profesor/a da entidade en que estuda ou estudou

Prazo e lugar de presentación de solicitudes

As solicitudes con toda a documentación enviarase por correo electrónico ao enderezo snl@udc.es:

O prazo de preinscrición remata o 3 de maio de 2013.

Prezo da matrícula: 60 € (inclúe o material didáctico e os gastos das actividades complementarias de carácter cultural).

Texto íntegro da convocatoria