III Curso de Verán de Lingua e Cultura Galegas para Estranxeiros

O SNL, en colaboración coa Secretaría Xeral de Política Lingüística, convoca a terceira edición do Curso de Verán de Lingua e Cultura Galega para Estranxeiros, que ten como obxectivo proporcionarlle ao alumnado un achegamento á lingua e á cultura propias de Galicia combinando as actividades teórico-prácticas con actividades culturais

Persoas destinatarias

Aquelas persoas de fóra de Galicia interesadas en se introduciren no estudo da lingua galega e en ampliaren os seus coñecementos sobre a cultura galega.

Calendario, duración e lugar de realización

O curso impartirase do 5 ao 30 de xullo de 2010 e desenvolverase, preferencialmente, en horario de mañá das 10.00 ás 13.00 horas na Facultade de Filoloxía da UDC.

Número de prazas e bolsas

O número máximo de persoas participantes é de 25. A Universidade concederá 15 bolsas de estadía de 500€ brutos (suxeitos a un 24% de retención).

Documentación

Currículo da persoa solicitante
Breve memoria en que figuraren as motivacións e o seu interese pola lingua galega
Se for posible, unha carta de presentación dun/ha profesor/a da entidade en que estuda ou estudou.
Solicitude (anexo I) e impreso de datos bancarios (anexo VI) integramente cubertos.
Fotocopia do documento de identidade ou pasaporte.

Prazo e lugar de presentación de solicitudes

As solicitudes con toda a documentación enviaranse por correo electrónico ao enderezo snl@udc.es ou ben por correo postal a:

                               Servizo de Normalización Lingüística
                                Universidade da Coruña
                          Rúa Maestranza, 9
                        15001 A Coruña

O prazo remata o 28 de maio de 2010.

Texto íntegro da convocatoria e modelo de solicitude