Axudas, bolsas e tarxetas

Bolsas da UDC

A UDC concede bolsas para o transporte urbano ao alumnado matriculado nas titulacións que se imparten nos campus da Coruña. Esta axuda solicítase no Pavillón de Estudantes (campus de Elviña). O prazo de solicitude da última convocatoria estendeuse ata 28 de setembro de 2012.

Para saber máis sobre os requisitos, a contía da axuda e os criterios de adxudicación, véxase a última convocatoria

Outras axudas

Algúns concellos da bisbarra de Ferrolterra ofertan axudas ao alumnado que realiza os seus estudos na cidade da Coruña. Os requisitos solicitados varían segundo o concello. Normalmente, contemplan os seguintes aspectos:

• Estar empadroado/a no concello onde se solicita a axuda.
• Estar ao corrente no pagamento de tributos no momento da entrega da solicitude.
• Cursar estudos en que sexa necesario o desprazamento até A Coruña.
• Baremo económico da unidade familiar.

Habitualmente, as convocatorias publícanse no verán ou a comezos de cada curso e poden consultarse no Boletín Oficial da Provincia da Coruña, nos webs e nos taboleiros de anuncios de cada concello: Ferrol, Narón, Neda e Fene.

Tarxetas

A tarxeta Millenium permite obter descontos de até o 20 % nos autobuses urbanos da cidade da Coruña.

A tarxeta de transporte metropolitano de Galicia pódese utilizar no transporte urbano e interurbano de Galicia.