A Oficina de Cooperación e Voluntariado da Universidade da Coruña (OCV - UDC) é o servicio encargado de xestionar, coordinar e potenciar os ámbitos do Voluntariado Social e a Cooperación para o Desenvolvemento na nosa Universidade. Foi creada no ano 1996 e na actualidade depende do Vicerreitorado de Extensión Universitaria e Comunicación. Componse de dúas delegacións que desenvolven a súa labor nos dous campus da UDC (A Coruña e Ferrol).

Dende a Oficina búscase a formación máis completa para os nosos voluntarios. Ofértanse cursos de formación xeral con contidos como os dereitos e deberes dos voluntarios ou a lei do voluntariado, impartidos pola ONG "Solidarios para el Desarrollo".
Tódolos anos organízanse cursos de formación máis específica (habilidades sociais, animación sociocultural, primeiros auxilios...) estando o acceso os mesmos aberto a toda a comunidade universitaria.

Colaboración cos centros municipais de Servicios Sociais do Concello de A Coruña en Monte Alto, Elviña e Sagrada Familia

Este proxecto se ven levando a cabo en colaboración cos Centros Sociais do Concello de A Coruña. A labor dos voluntarios consiste en apoiar ao educador social ou monitor do centro nas clases de apoio escolar ós nenos e/ou maiores que asisten ás actividades programadas.
Os beneficiarios deste servicio son nenos e nenas que teñen familias con dificultades económicas ou que teñen problemas de integración, así como maiores con problemas de memoria.

Grupo de teatro PaiasOIAS

Esta actividade foi creada coa finalidade de entreter e facer pasar un bo rato á xente que, por circunstancias de diversa índole, non ten a oportunidade de saír do seu entorno. Ao longo do pasado curso incrementáronse as colaboracións con proxectos xestionados pola OCV–UDC nos barrios das Rañas, O Portiño, no Centro de acollida de menores de Bañobre, e tamén con outras entidades, asociacións, etc,

Colaboración con hospitais

Este servicio xurde como colaboración coas actividades de voluntariado que organiza neste centro a Asociación contra o Cancro. As tarefas son principalmente de acompañamento ós pacientes internados neste centro.

Colaboración cos poboados xitanos de O Portiño e as Rañas

Estes son dous dos proxectos propios que xestiona a OCV-UDC, e foron propostos e postos en marcha polos propios voluntarios, motivados pola detección dunha necesidade nestes barrios. As actividades que se desenvolven nestes dous servicios están orientadas cara o apoio nas tarefas escolares para nenos de entre 7 e 16 anos, ademais de introducir aos máis pequenos no estudio. Tamén se organizan actividades puntuais de ocio e tempo libre.

PORTIÑO

:O Portiño é un barrio de infravivenda da cidade de A Coruña. Durante este ano se lles proporcionou roupa e diversos materiais para levar a cabo as actividades que propoñían os voluntarios, principalmente de apoio escolar. Realizáronse, ademais, actividades deportivas no Pavillón Universitario, conxuntamente co barrio de As Rañas e varias excursións culturais pola cidade.

AS RAÑAS

Neste poboado xitano os voluntarios da OCV-UDC veñen colaborando dende o ano 1996. Organizanse diversas saídas culturais e de ocio, como por exemplo, actividades deportivas no Pavillón Universitario, cine ou excursións ao Monte de San Pedro.

Colaboración co albergue de acollida de nenos de Bañobre

Os voluntarios da OCV-UDC desenvolven tarefas de animación e apoio escolar aos nenos que permanecen no centro durante a fin de semana. Algúns deles requiren apoio escolar durante a semana. Esta é unha das novidades que se incorporaron ó servicio; algúns voluntarios da OCV-UDC participan realizando tarefas de apoio escolar os mércores. Os voluntarios contemplan entre outros obxectivos un maior coñecemento do entorno máis próximo dos nenos, potenciación das relacións cos habitantes do pobo no que viven, mellora do desenvolvemento cultural dos nenos e organización de actividades para saír do centro.
Como cada ano, dende o 2000, os voluntarios deste servicio veñen organizando unha festa para recadar fondos. Este ano celebrouse o día 6 de decembro e os cartos recadados foron destinados a merca-los agasallos de Nadal dos nenos do centro e financiar parte das actividades planificadas.

PROXECTO DE ACOMPAÑAMENTO DE ESTUDIANTES DISCAPACITADOS (p.a.e.d)

Este proxecto foi un dos primeiros cos que contou a Oficina de Cooperación e VOluntariado–UDC. O contido deste proxecto está orientado a que estudiantes universitarios colaboren cos seus compañeiros de aula que teñen algunha discapacidade, contribuíndo así a unha mellora na súa mobilidade pola facultade na que estudian e, nalgún caso, á recollida de apuntes.

Acompañamento de anciáns

O proxecto de acompañamento de anciáns é un dos proxectos máis xóvenes da OCV-UDC. Comezou o seu funcionamento no ano 2001. As tarefas que realizan os voluntarios que están colaborando nel son de acompañamento a persoas maiores no seu fogar. Durante o ano 2003 só un ancián residente na cidade de A Coruña foi beneficiario deste servicio, recibindo dúas visitas semanais.

Transeúntes e sen teito

Na cidade de A Coruña existen servicios ós que as persoas sen fogar poden acudir para resolver situacións puntuais que afectan a necesidades básicas, como pode ser a comida, o aseo, etc. No ano 1998 púxose en marcha o proxecto de transeúntes e sen teito na OCV-UDC, co que se pretende aportar a dito colectivo un pouco de compaña e información nas noites que pasan na rúa. Para isto un grupo de voluntarios acode tódolos mércores pola noite a diferentes lugares da cidade nos que estas persoas dormen.

Colaboración no Fogar de Santa Lucía de mulleres sen teito

Neste programa estase a colaborar coas actividades diarias do Fogar. Os voluntarios da OCV-UDC organizan no centro de acollida obradoiros de adquisición de coñecementos básicos de informática, manualidades, clases de alfabetización, entre outras actividades. Ó mesmo tempo desenvolven tarefas de acompañamento ás persoas que residen nel. Particípase tamén na organización de actividades lúdicas e de ocio. Este ano realizáronse dúas excursións dun día de duración, ás que asistiron persoas do centro acompañadas polos voluntarios.

Vivenda compartida coa Cruz Vermella

Este proxecto nace dunha iniciativa da Cruz Vermella co obxecto de potenciar a convivencia entre estudiantes universitarios e persoas maiores que viven soas no Concello da Coruña. Durante o ano 2002 firmouse o Convenio de colaboración entre Cruz Vermella e a Universidade da Coruña. Durante o ano 2003 a OCV–UDC, comprometeuse a realiza-las primeiras entrevistas de estudiantes que foron remitidas á Cruz Vermella encargada de entrevistar ás persoas maiores e facer a selección. Finalmente non se conseguiu adecuar ningún perfil voluntario-persoa maior, polo que este ano non se puido poñer en práctica este proxecto.

Cooperación Ó DESENVOLVEMENTO

Mantemento e actualización da base de datos de Ongd´s da provincia de A Coruña creada na OCV-UDC.
Esta base mantense e actualízase coas organizacións non gobernamentais máis significativas da provincia, a partir de diferentes fontes consultadas (Concello, Xunta, Coordinadora Galega de Ongd´s, Plataforma Coruñesa do Voluntariado, Red Coruña Solidaria), para conseguir difundir adecuadamente as actividades e iniciativas xurdidas dende a Universidade no ámbito da Cooperación ó Desenvolvemento.

Convocatoria de Axudas a Programas e Proxectos de Cooperación ó Desenvolvemento.

Dende o ano 2001, a Universidade da Coruña convoca estas axudas, que pretenden dar cabida a aqueles proxectos que teñan como obxectivo o de tratar de resolver situacións de necesidades básicas da poboación en tódolos ámbitos sociais (sanitario, educativo, infraestructuras, etc). Este ano tiñan un orzamento de 12.020 €. En total presentáronse 12 proxectos, o que supuxo un aumento moi significativo de participación de Ongd´s con respecto á convocatoria do ano 2002, na que se só se presentaron cinco organizacións.

Potenciación de actividades de formación e investigación da Cooperación ó Desenvolvemento na UDC.

Tras unha labor inicial de investigación para acadar información sobre aqueles profesores-investigadores da nosa Universidade interesados nos temas de Cooperación ó Desenvolvemento, fíxose un seguimento do seu traballo a través do contacto persoal, telefónico ou por correo electrónico. O seguinte paso neste campo que se pretende levar a cabo, será a presentación conxunta de proxectos ás distintas convocatorias ás que se poida optar con estes grupos de traballo.

Participación na Campaña “Pola Paz: Non á investigación militar”.

A OCV-UDC constituíuse como o polo de referencia na provincia de A Coruña para esta campaña promovida dende Barcelona pola Fundació per la Pau.
Leváronse a cabo distintas asembleas informativas nas que se deu a coñecer dita campaña na UDC, nas que se fixeron diferentes propostas. Tamén se recolleron 110 firmas do manifesto de obxección científica (5% do total a nivel estatal) e se participou nunha rolda de prensa na Universidade, así como se concederon varias entrevistas ós distintos medios de comunicación para difundir dita campaña.

Financiamento de actividades de Ongd´s e outros colectivos sociais.

A OCV-UDC colaborou no financiamento de distintas actividades no eido da Cooperación ó Desenvolvemento e a acción social de distintos colectivos galegos.
Asímesmo, no presente ano 2004 asinouse un Convenio de colaboración entre a Ongd Labañou Solidaria, Enxeñería sen Fronteriras-Galicia e a OCV-UDC, para levar a cabo un proxecto de saneamento integral de augas e educación medioambiental en Vilcabamba (Perú).

Consulta Social Europea.

A OCV-UDC participou na difusión da 1ª etapa de dita consulta dende finais do ano 2002 (elaboración de propostas para o futuro), converténdose no promotor para A Coruña desta consulta organizada por un grande número de colectivos e movementos sociais de toda Europa. A intención é a de colaborar na 2ª etapa (consulta física), na que se fará unha invitación á cidadanía para que de a súa opinión sobre algúns asuntos de interese común á toda Europa.

Asignatura de libre configuración.

A chamada “Introducción á Cooperación para o Desenvolvemento” é unha asignatura de Oferta Xeral que ten un total de 45 horas lectivas, e que se empeza a impartir na ETS de Camiños no segundo cuadrimestre. Consta dunha sesión semanal de tres horas os martes, e comprende clases maxistrais de expertos nos eidos da Cooperación ó Desenvolvemento, proxección de vídeos e documentais, dinámicas de grupo, etc. Lévase impartindo dende o curso académico 2000-2001 coa colaboración de Enxeñería sen Fronteiras-Galicia, cubríndose a totalidade de prazas ofertadas. Ademais as sesións son abertas ó público en xeral, publicitándose dita actividade a través dunha nota de prensa semanal que recollen os diarios de maior tirada na Coruña.

 

As actividades a realizar dependerán en primeiro lugar da demanda que presente o país en desenrolo. Algunhas das áreas de desenrolo ás cales UNITeS dará prioridade son: a saúde, a educación, o apoio a pequena e mediana empresa, a igualdade de xénero e a mocidade.

Os voluntarios baixo a iniciativa de UNITeS traballan básicamente para contribuír a aumentar o mellorar a capacidade das persoas ou institucións en países en desenrolo para beneficiarse das Tecnoloxías da Información e da Comunicación (TICs), impulsando súas habilidades e proporcionando servicios directos para apoiar institucións e comunidades.

Así mesmo, os voluntarios poderán participar en proxectos máis directamente orientados en TICs como, instalar redes de ordenadores para as escolas nos arredores do perímetro urbano dunha cidade; ensinar e capacitar ós asistentes a Telecentros, para mellor comprender o valor da información que pódese atopar en internet, así como capacitar nas TICs a capacitadores que a sua vez multiplican a ensinanza ós beneficiarios dunha comunidade, etc.

1. Ser estudiante, profesor o Persoal de Administración e Servicios (P.A.S.) da Universidade de A Coruña.
2. Ter gran capacidade de adaptación a un país estranxeiro.
3. Alto nivel do idioma requirido para cada posto (normalmente un nivel alto de inglés ou francés).
4. Bos coñecementos de informática e nas TIC segundo o perfil de cada posto.
5. Experiencia ou interese no mundo do voluntariado, ONGs e Cooperación ó Desenrolo.

Documentación a presentar:

- Documento acreditativo de pertencer á UDC.

- Curriculum en inglés e/o no idioma esixido para o posto.

- Carta de motivación (en inglés e/o no idioma esixido para o posto) específica para o posto elixido. Na carta de motivación tense que especificar detalladamente os seus coñecementos, a súa experiencia en tarefas similares ás solicitadas no posto , seu interese e as súas motivacións.

Hai que ter en conta que esta documentación é a que a UDC enviará a la UAM, para que se realice o proceso de selección final levado a cabo polo Voluntariado das N.U (VNU).
Ó presentar esta documentación débese especificar o nome do proxecto ó cal se opta.

Ademais, se o candidato así o decide, pode presentar esta mesma documentación para outro posto vacante, que será valorado e denominado como opción 2 no seu orden de preferencias e que tamén se enviará a VNU para a selección final.

Comité de preselección.

O comité de preselección estará integrado polo director da Oficina de Acción Solidaria da UDC, un profesor/a de idiomas e un profesor/a da UDC. Este comité valorará os curricula e realizará probas de idiomas e informática de acordo ó perfil da praza solicitada polos candidatos. Así mesmo realizarase unha entrevista persoal para valorar ó currículo e a motivación do solicitante de acordo á praza solicitada.

Candidatos preseleccionados.

O 16 de maio, a OCV realizará a selección dos candidatos. Soamente preseleccionarase os candidatos que a universidade considere adecuados os postos ofertados polo VNU, pudendo quedar vacantes o resto de prazas para candidatos da UDC.

Arredor do 1 de xuño de 2004, VNU comunicará a selección definitiva dos voluntarios elixidos entre tódolos candidatos presentados polas universidades españolas.

Datas dos proxectos.

Os proxectos ós que se incorporarán os candidatos empezarán a partires do 1 de xullo e terán unha duración de seis meses.

Condiciones.

O aloxamento para o voluntariado será costeado polo VNU e /o pola organización de acollida.

A UDC pagará o billete de ida e volta ó país de acollida, así como unha axuda para costear a preparación da viaxe e a estancia do voluntario no caso de que a UDC o considere necesario. Ademais a UDC cubrirá o voluntario cun seguro medico e de accidentes te a súa estancia proxecto.

Ademais, no momento da presentación entregarase ó voluntario un compromiso coas súas obrigacións por si é seleccionado finalmente polo VNU.