Coordinación de actividades empresariais

Mentres tanto non se implante o procedemento documentado de coordinación de actividades empresariais na UDC, que estudará con detalle as xestións que se deben realizar nas diferentes fases do proceso de contratación e que a seguir se relacionan:

• Previo á licitación
• Na fase de licitación – contratación
• Previo ao inicio dos traballos
• Durante a execución dos traballos,

este servizo de prevención, ao abeiro do art. 24 da Lei de prevención de riscos laborais (coordinación de actividades empresariais) e do RD 171/2004 que o desenvolve, co obxecto de velar pola seguridade e saúde do persoal da UDC, propón que no momento de formalizar un contrato de execución de obras ou servizos, ou ben un convenio de colaboración cunha empresa allea, se inclúa a xestión da entrega/recepción da información de prevención que se inclúe nos seguintes documentos:

1. Información xeral sobre riscos e medidas preventivas (técnicas e organizativas) nos centros de traballo da Universidade da Coruña para empresas contratistas e persoal visitante
2. Documentación que se lles debe solicitar ás empresas contratistas ou traballadores autónomos
3. Información xeral sobre riscos e medidas preventivas (técnicas e organizativas) para o persoal que desenvolva actividades en instalacións alleas como membro da UDC