7º Programa Marco

O VII Programa Marco é o principal instrumento para o financiamento de proxectos de I+D+i (Investigación, Desenvolvemento e Innovación) en Europa durante o período 2007-2013. Cun orzamento de 50.521 millóns de Euros, este programa representa entre un 5% e 6% do gasto total en I+D+i dos Estados Membros. A participación está aberta a empresas, públicas ou privadas, universidades, centros de investigación públicos ou privados, ou a calquera outro tipo de entidade xurídica, que estean establecidos en países membros ou en países candidatos da Unión Europea
 

O VIIPM ten tres obxectivos estratéxicos:

• Integrar a investigación europea, que segue moi fragmentada
• Estruturar o Espazo Europeo de Investigación (EEI)
• Fortalecer as bases científicas e tecnolóxicas do EEI

O VII PM ten 10 áreas temáticas prioritarias que representan os 10 campos prioritarios de investigación no VII PM, pero ademais contempla outras liñas de actuación que non se axustan necesariamente a estes campos prioritarios.
A participación está aberta a empresas públicas ou privadas, universidades, centros de investigación públicos ou privados, ou a calquera outro tipo de entidade xurídica, que estean establecidos en países membros ou en países candidatos da Unión Europea. Para participar nas accións de I+D é necesario formar un consorcio integrado por polo menos tres socios establecidos en tres estados membros ou asociados.