Obradoiro Propostas do 7º Programa Marco

A Oficina de Transferencia de Resultados de Investigación, a través da súa Unidade de Apoio a Proxectos Europeos de I+D, organizan o Obradoiro Práctico: Preparación de Propostas para o 7º Programa Marco, que terá lugar o próximo día 13 de xuño, no Salón de Graos 2 da ETS de Enxeñaría de Camiños, Canais e Portos (Campus de Elviña).

Este obradoiro pretende dotar o persoal investigador das aptitudes necesarias para mellorar a elaboración das súas propostas de proxecto, así como aumentar a súa competitividade, e, consecuentemente, as súas posibilidades de éxito no contexto das últimas convocatorias do 7º Programa Marco.

A inscrición está limitada a 30 participantes e é de balde. As persoas interesadas deben enviar un correo electrónico ao enderezo unidade.apoio.ue@udc.es antes do día 12 de xuño, indicando nome e centro.

As prazas serán adxudicadas por estrita orde de recepción.

Pódese consultar o programa na seguinte ligazón:

Obradoiro práctico: Preparación de Propostas para o 7º Programa Marco.

Taller práctico: Preparación de Propuestas del 7º Programa Marco.