Fismare, Innovación para la Sostenibilidad, S.L. xorde como resposta á demanda de proxectos que necesitan integrar tecnoloxía e coñecemento científico, e a súa finalidade consiste en darlles solución a problemas ambientais e promover estratexias de sustentabilidade dos ecosistemas e recursos mariños.

A empresa ofrece un catálogo de servizos caracterizados por un enfoque integral que reúne aspectos ambientais, económicos e sociais e están marcados pola aplicación de novas ferramentas tecnolóxicas para a mellora da xestión de espazos e recursos, ao tempo que conserva unha vocación de investigación e desenvolvemento.