Bilega Energía desenvolve actividades de consultoría en eficiencia enerxética e creación de proxectos enerxéticos con fontes renovables, así como formación en enerxías alternativas.

Os seus servizos teñen como finalidade a optimización do consumo enerxético, a substitución de enerxías non-respetuosas co medio e sistemas enerxéticos ineficientes por outros que sexan renovables, limpos, eficientes e cuxo custo resulte estable e predicible, con datos de rendibilidade efectivos.

Para iso realiza auditorías enerxéticas e proxectos chave en man, para os cales emprega as últimas innovacións tecnolóxicas coa mellor certificación de calidade, ao tempo que desenvolve liñas de investigación propias enfocadas á procura de novas técnicas e sistemas enerxéticos para a súa aplicación práctica en industrias e consumidores de enerxía a grande escala, así como en instalacións illadas, sistemas móbiles ou construcións residenciais e institucións públicas.