Programas de intercambio de estudantes (SICUE, HNA, ...)

CONDICIONANTES ACADÉMICOS DOS CONVENIOS E CONTRATOS QUE SE REALICEN BAIXO ESTES PROGRAMAS

O propio programa xa estipula no seu proxecto e na súa metodoloxía gran parte dos condicionantes académicos que han de cumprir.

Adicionalmente, e para as propostas de intercambio de estudantes con outras universidades, as actuacións que se propoñan deberán de especificar, necesariamente, os seguintes puntos:

1. Titulación e plano de estudos en que se encadrarán os estudos realizados polos estudantes da Universidade da Coruña na universidade de acollida.
2. Nome das materias troncais e obrigatorias do plano de estudos que se recoñecerán polas cursadas na universidade de acollida.
3. Número de créditos de materias optativas do plano de estudos que se recoñecerán polos estudos realizados na universidade de acollida.
4. Número de créditos de materias de libre elección do plano de estudos que se recoñecerán polos estudos realizados na universidade de acollida.

Todos estes datos deberán ser propostos polo centro correspondente, e serán definitivamente aprobados pola Comisión de Plano de Estudos da Universidade da Coruña.

CUALIFICACIÓNS E ACTAS

Os estudantes destes programas figurarán nas actas das correspondentes materias co indicativo que proceda ("SICUE", "HNA", ...) e a cualificación outorgada polo "recoñecemento", debendo figurar no seu expediente académico a universidade, o centro, o programa, a materia cursada e a cualificación obtida.