É Catedrático de Microbioloxía. Profesor titular da mesma área en 1988 na Universidade de Santiago de Compostela e, a partir de 1991, na Universidade da Coruña.

Licenciado e Doutor en Bioloxía pola Universidade de Santiago de Compostela.

A súa actividade investigadora céntrase no estudo das microalgas. Participou en máis de 30 proxectos e contratos de investigación, autonómicos, nacionais e internacionais, sendo investigador principal de 17. Dirixiu sete teses de doutoramento. É autor de máis de 80 artigos publicados en revistas de difusión internacional, e de 12 libros ou capítulos de libro.

Desempeñou diversos cargos de xestión (Secretario e Director de Departamento).

Entre novembro de 2005 e setembro de 2009 foi Director da Axencia para a Calidade do Sistema Universitario de Galicia (ACSUG). Realizou actividades de avaliación de calidade universitaria para ANECA e para diferentes Universidades. Na actualidade, é Presidente da Comisión de Seguimento e Certificación do Programa Docentia de ANECA e ACAP e da Comisión de Titulacións do País Vasco, UNIBASQ.