Solicitude de creación de prazas de PDI contratado ao amparo do previsto na disposición transitoria terceira dos estatutos da UDC

Ao amparo do previsto na disposición 3ª dos Estatutos da UDC, aprobados por Decreto da Xunta de Galicia 101/2004, do 13 de maio, faise pública a cuarta convocatoria para a solicitude de creación de prazas de profesor contratado doutor, colaborador e axudante doutor.

Poderán solicitar a creación de prazas os profesores contratados a tempo completo e axudantes doutores que xa o eran no momento da entrada en vigor da LOU e que sigan contratados no momento da entrada en vigor dos Estatutos (14 de maio de 2004).

As solicitudes tramitaránse a través dos departamentos e deberán acompañarse da xustificación documental de cumprir os requisitos legais (titulación, acreditación, etc.) esixidos para poder acceder á praza solicitada.

Corresponde aos Consellos de Departamento realizar a proposta na que figurarán os membros da comisión xulgadora do concurso, que se axustará á normativa pola que se regula o procedemento para a selección de persoal docente e investigador interino e laboral contratado aprobada por acordo do Consello de Goberno.

O prazo para a presentación de solicitudes nesta convocatoria remata o día 22 de decembro de 2005.

A Coruña, 23 de novembro de 2005

Xosé Luis Armesto Barbeito
Vicerreitor de profesorado