Profesora titular de Universidade de Literatura Española na Facultade de Filoloxía.

Maître-ès-Lettres pola Universidade Blaise Pascal de Clermont-Ferrand, en 1977, e licenciada pola Universidade Complutense de Madrid, en 1986. Obtivo o Diplôme d’Études Approfondies en Paris-IV La Sorbonne en 1980 e doutorouse pola Universidade de Santiago de Compostela en 1994.

Secretaria do Departamento de Filoloxía Española (1990-1991), vicedecana da extinta Facultade de Humanidades da Coruña (1993-1996) e decana da Facultade de Filoloxía de 1999 a 2005. Membro do Claustro Universitario desde 1999. Membro da Comisión de Profesorado e da Comisión Académica delegadas da Xunta de Goberno durante o período 1999-2005.

É Vicerreitora de Estudantes e Relacións Internacionais desde 2008.