A campaña "A UDC ACTÚA!" ten como obxectivo visibilizar as violencias LGTBIfóbicas así como dar a coñecer o novo protocolo da UDC para a prevención e actuación sobre elas. Está composta por cartaces, folletos, vídeos e infografías.

Con ela quérese visibilizar unha realidade que segue a pasar na nosa universidade: a discriminación, a exclusión, e incluso a violencia contra a comunidade LGTBIQ+.

Moitos estudos sinalan que máis do 90% do colectivo LGTIBQ+ non denuncia polo temor e a desconfianza nas institucións. É hora de rachar con isto.

Collendo as súas frases, palabras e insultos queremos romper coa desinformación, os estereotipos, as falsedades e u odio que se verte todos os días contras as persoas disidentes sexuais e de xénero.

Apropiámonos delas, desmontámolas, e con iso dicimos: existimos i existiremos.

Se sufriche ou estás a sufrir discriminación, ou calquera tipo de comportamento LGTBIfóbico, chama á extensión 5620 ou escribe ao mail adi@udc.gal

Tamén podes contactar de maneira anónima no formulario da dereita.