[Por que cursar
o máster]

Porque o mercado laboral demanda persoas cunha alta cualificación lingüística que saiban actuar en entornos multidisciplinares, posúan habilidades comunicativas, coñezan e manexen linguaxes específicas, dominen o entorno virtual e as novas tecnoloxías, saiban xestionar e organizar a información e poidan crear contidos para calquera medio ou soporte.

Esta complementariedade atende unha demanda académica e profesional non cuberta con persoas que teñan unha formación específica, como a que propón este mestrado: un especialista no uso da lingua como ferramenta de comunicación, oral ou escrita, independentemente do medio e do soporte utilizados,e para a sociedade actual, a do século XXI.

O máster en Lingua e usos profesionais prepara para actuar en ámbitos profesionais multidisciplinares e diversificados.
O titulado poderá traballar como xestor de contidos, documentalista, redactor, corrector lingüístico, asesor lingüístico, mediador cultural ou lingüístico, asesor ou técnico cultural en diferentes medios profesionais: empresas, museos, institucións públicas, editoriais, 
medios de comunicación, axencias de prensa, gabinetes de comunicación, axencias de publicidade, fundacións, etc.