Pódese renovar o período de préstamo de tódolos documentos tantas veces como sexa necesario, sempre e cando o documento non teña unha reserva (non haxa ninguén esperando a súa devolución). As renovacións se poden facer por teléfono chamando ao 981 16 70 00, extensión 5001, por internet a través do rexistro de usuario no catálogo da biblioteca da UDC, ou persoalmente en calquera biblioteca de UDC.

¿Qué teño que facer para levar un libro en préstamo?
Os libros están en libre acceso. Ti mesmo deberás coller o libro que desexas, o levas ó mostrador da entrada da Biblioteca e alí se realizará o préstamo.

¿É necesaria a tarxeta da Universidade para sacar un libro?
É preciso identificarse para sacar un libro. Ó mellor é que presentes a tarxeta magnética, ao estar o préstamo automatizado é o máis rápido e doado para o persoal da Biblioteca. Se non a tés deberás presentar calqueira outro documento de identidade (DNI, pasaporte…). Non poderás sacar libros sen algún carnet.

¿Como están ordenados os documentos?
Están ordenados en grupos por materias (a cada materia lle corresponde un número) e dentro de cada materia seguen unha orde alfabética por signatura. Nas estanterías tés indicadas as referencias.

¿Que é a signatura?
É un conxunto de números e letras que aparecen nunha etiqueta no lomo do libro e nos indican a súa localización.

¿Que ocurre se non devolvo o documento que teño en préstamo no prazo estipulado?
Por cada día de retraso na devolución de cada documento que tés en préstamo serás sancionado cunha multa, cando chegues a 10 quedarás bloqueado. Esto quere decir que non poderás sacar ningún documento ata que remate o bloqueo, que será de tantos días coma multas teñas.

¿Como podo saber se a Biblioteca tén o libro que busco?
Para atopar calquera documento o primeiro que debes facer é consultar o catálogo da Biblioteca, nel atoparás o documento e a súa localización.

¿Podo levar en préstamo calquera documento?
No catálogo da Biblioteca aparece o estado do Documento, se está en Préstamo ou se está Excluído de Préstamo. Tamén aparecerá a data de devolución do mesmo no caso en que éste esté prestado. Podes consultar a Normativa de préstamo da Biblioteca.

Non sei consultar o catálogo da Biblioteca. ¿Como teño que facer?
Na Biblioteca temos guías impresas sobre cómo consultar o catálogo, tamén podes baixar unha guía de consulta da páxina web. Se o prefires calquera do persoal da biblioteca pode ensinarte. A principio de curso hai formacións de usuarios sobre o manexo do catálogo e a utilización de tódolos servicios.

¿Podo levar en préstamo unha revista?
As revistas non se prestan. Terás que consultalas na Biblioteca. Dispós de fotocopiadoras na sala de rexistro para facer copia das páxinas que precises. Se o prefires podes escaneala, tes dous scaner á túa disposición.

¿Podo levar en préstamo un vídeo, DVD ou CDROM?
Están suxeitos á mesma normativa de préstamo que o resto dos materiales.

Perdín un documento que tiña en préstamo. ¿Que teño que facer?
A Biblioteca é de todos e polo tanto o seu contido. Ti és o responsable de calquera documento que teñas en préstamo, polo que se o perdes a Normativa de préstamo da Biblioteca establece que terás que restituílo por outro da mesma edición, se estivera esgotado deberás abonar o seu importe á Biblioteca para que ésta merque outro de similares características.

Preciso un libro que non temos na Biblioteca, pero está noutra Biblioteca da Universidade. ¿Como podo pedilo en préstamo?
Nesta Biblioteca podes solicitar calquera documento que se preste que apareza no catálogo, sexa cal sexa a súa localización. Existe un servicio de préstamo intercentros. O préstamo se realizará na túa Biblioteca, se así o desexas, sen ter que desprazarte. As condicións de préstamo serán as mesmas que na túa biblioteca.

Preciso un libro que non está en ningunha das Bibliotecas desta Universidade, ou sexa, non aparece no catálogo.
En primeiro lugar debes solicitar á biblioteca que o adquira. En caso de que non sexa posible porque xa non se edite podes facer uso do servicio de Préstamo Interbibliotecario. Este servicio tén un coste que dependerá da Biblioteca á que se solicite. Os profesores e alumnos de Terceiro Ciclo están exentos do pago das tarifas. A través deste servicio tamén podes solicitar copias de artigos de revista que non teñamos nesta Universidade.

¿Como podo solicitar a compra dun documento?
No mostrador da entrada tés Desideratas para cubrir cos datos da obra que desexas solicitar para a Biblioteca.

¿Onde podo mercar unha tarxeta para a fotocopiadora?
As fotocopiadoras que hai na Biblioteca pertencen ao servicio de Reprografía e é alí onde venden as tarxetas.

¿Onde podo consultar as bases de datos?
En calquera dos ordenadores da Universidade que estén conectados á rede de investigación.

¿Como podo aprender o manexo das bases de datos?
Podes anotarte aos cursiños que impartimos a principo de curso sobre manexo de bases de datos, ao igual que aos xerais sobre a Biblioteca e os seus servicios. Tamén podes solicitar que alguén te ensine calquera a utilización de calquera das bases de datos que temos subscritas. No apartado Bases de datos tés guías de uso dalgunhas das bases de datos.

¿Como podo consultar as revistas electrónicas?
No apartado Consulta de Revistas da web da Biblioteca tés toda a información que precisas. Se segues tendo dúbidas non dudes en consultar ao persoal da Biblioteca.

Preciso facer unha busca bibliográfica. ¿Por onde teño que comezar?
Podes solicitarnos calquera busca bibliográfica e o persoal da biblioteca se encargará de facela. Na Bibioteca tés formularios de buscas para cubrir. Se prefires facela ti mesmo podemos indicarte o camiño máis axeitado e axudarte no que precises. Na Biblioteca tés todos os recursos necesarios: acceso a catálogos, bases de datos, internet…

¿Podo sacar unha tese ou un Proxecto de Fin de Carreira en préstamo?
Tanto as teses como os Proxectos de Fin de Carreira están excluídos de préstamo, salvo no caso de que estén publicados. Se desexas consultalos terás que facelo na Biblioteca. Non poderás tampouco facer fotocopias ou reproducilos por calqueira outro medio, nin sequera en parte. A lexislación sobre Propiedade Intelectual non o permite.

¿Podo facer traballos ou imprimir calquera documento persoal na Biblioteca?
A Biblioteca é únicamente para investigación, se queres imprimir traballos ou facer traballos en grupo que precisen de ferramentas de Microsoft Office terás que ir á sala de ordenadores no 5º andar.

¿Teño algún xeito de distinguir na biblioteca a bibliografía recomendada polos profesores?
Existe unha Bibliografía recomendada colgada na web da biblioteca da UDC, pero convén que consultes cos teus profesores xa que pode haber algunha variación. Cada ano os profesores avisan de determinadas obras que estarán durante un tempo como bibliografía recomendada e esas quedarán excluídas de préstamo.