Proxecto Fin de Carreira

Publicacións dixitais

NOVIDADES DA COMISIÓN DO PLAN DE ESTUDIOS
23/03/2009

Reunida a comisión o dia 12 de marzo de 2009, dáselle saída ao documento "Planificación del plan de estudios", para xeral coñecemento da situación na que se encontra actualmente o proceso de redacción do plan de estudios conducente ao título de GRADUADO EN ARQUITECTURA POLA UNIVERSIDADE DA CORUÑA.

Máis información (doc)136 Kb.

PROPOSTA DE ORGANIZACIÓN DO PLAN DE ESTUDIOS
18/11/2008

Esquema actualizado a 11.09.2008

Esquema (pdf) 50,7 Kb.

COMISIÓN. 17.11.2008

Aprázase para un momento posterior o estudio do modo de implantación –gradual, total, progresivo...- do novo plan. Acordándose analizar o que se faga noutras escolas.

A comisión dase de prazo unha semana para que os departamentos conclúan o envío dos documentos nos que se concretan os nomes e esquemas de contidos das novas materias do futuro plan.

A vindeira reunión celebrarase o lúns 24.11.2008 / 10:00 h

A DIRECCIÓN DA ETSAC ASISTE A UNHA NOVA SESIÓN DA CONFERENCIA DE DIRECTORES DE ESCOLAS
21/10/2008

Celebrarase o venres 24 na Escuela Superior de Arte y Arquitectura da Universidad Europea de Madrid.

Na orde do día está prevista unha reunión con Carlos Hernández Pezzi, Presidente do Consejo Superior de los Colegios de Arquitectos de España e Rafael Pellicer, responsable das relaciones coa Unión Europea do CSCAE, sobre a incorporación dos novos títulos de graduado en arquitectura á lista da Directiva Europea.

Completará a sesión a exposición en común da situación actual do proceso de implantación do novo plan en cada escola.

Resultado da reunión:
27/10/2008

A Conferencia de Directores acordou iniciar os trámites para constituírse legalmente en asociación, designando unha comisón xestora formada polas EE.TT.SS.AA. de Madrid, Barcelona, Sevilla, Valencia, Coruña e Navarra.

Deuse coñecemento da situación na que se encontra o proceso de redacción dos novos plans de estudios, encontrándose unha ampla variedade de situacións que van dende a de escolas de nova creación como Cartagena, Zaragoza ou Católica de Murcia que nacen co novo plan. Outra como a Europea de Madrid que xa o adaptou. Outras como a Internacional de Catalunya, Reus ou La Salle que o teñen listo para someter a validación e Barcelona e Vallés que confían telo listo para implantar no 2009. A situación das escolas de Alicante, San Sebastian e Valladolid, que non iniciaron aínda o proceso, contrasta coa da meirande parte das escolas, entre elas a de Coruña, que traballan para implantar o novo plan no 2010.