AULA DE CINEMA E IMAXE UDC. CAMPUS A CORUÑA:

Aberto o prazo de preinscrición para o curso Miradas radicais do cinema moderno da Aula de Cinema e Imaxe UDC:

Xa está aberto o prazo de preinscrición para o curso que baixo o título de Miradas radicais do cinema moderno impartirá o profesor Vicente Ponce, da Universidade de Valencia. O curso tratará de analizar as principais aportacións dos movementos de vangarda dos anos 60, coñecidos como novas ondas, a partir dos autores e obras máis importantes e renovadores da linguaxe do cinema da modernidade europea, da nouvelle vague, ao free cinema británico, do cinema nuovo italiano ao new american cinema e o underground americano. Para o curso é importante que, no posible, os filmes que aparecen no programa sexan vistos con antelación. Pódese consultar a videoteca da Aula de cinema, que conta con varios deles.

Datas:		23 ao 27 de marzo
Horarios:		16 a 21 horas, de luns a venres
Duración:		25 horas
Lugar:		Campus de Elviña. Aula por determinar
Matrícula:		30 euros comunidade universitaria/40 euros alleos
Créditos:		Solicitaranse créditos de libre elección

A inscrición pódese facer acudindo á Oficina da Área de Cultura, na Casa do Lagar, s/n. campus de Elviña e deixando os datos, ben mandando os datos persoais e contacto ao enderezo de correo electrónico secretaria.acultura@udc.es ou ben chamando ao 981167000, ext. 1962

Xornadas sobre sociedade civil e problemas globais, coa proxección do filme O xardineiro fiel, de Fernando Meirelles:

Xornadas sobre Sociedade civil e problemas globais, que organiza a Área de Dereito Público da UDC e a Cátedra Jean Monet, coa colaboración da Aula de Cinema e Imaxe.

Dia 13 de marzo:		Primeira sesión. ONG e empresas multinacionais: cine e Dereito. 17.00 h Visionado do filme: O xardineiro fiel (Constant gardener). Fernando Meirelles, 2005. A continuación intervencións e mesa redonda a cargo de: Xosé Castro Roig, tradutor-lingüísta (presentador do programa de TV2 "Palabra por palabra"), Madrid. David Castro de Paz, coordinador da Aula de Cinema e Imaxe e técnico de Cultura da UDC. Amelia Díaz Pérez de Madrid, profesora contratada. Doutora de Dereito Internacional Público, Universidade de Granada
Dia 3 de abril:		Segunda sesión. ONG e cooperación ao desenvolvemento: teoría e práctica 17.00 h Intervencións e mesa redonda a cargo de: Teoría: ONG: Montserrat Abad Castelos, Profesora Titular de Dereito Internacional Público da Universidade Carlos III de Madrid, asesora xurídica do Ministerio de Asuntos Exteriores e Cooperación. Cooperación ao desenvolvemento: Carlos Teijo García, profesor contratado doutor da Universidade de Santiago de Compostela, membro do Consello Galego de Cooperación Práctica: Representantes de diferentes ONG: Intermon OXFAM, Entreculturas, Solidariedade Galega, Equus Zebra

AULA CINEMA E IMAXE DA UDC. CAMPUS FERROL:

Ciclo de cinema: Inverno de cinema (en colaboración co Concello de Ferrrol):

Todos os filmes proxectaranse no Cine Dúplex, Travesía Moreno 3, Ferrol. Entrada gratuíta.

4 marzo - 20:30 h:		Curtametraxe galega: Cientos de cerillas quemadas sobre un viejo mantel de hule Director/a: Ben Carter e Juan Junquera Ano de produción: 2008 Longametraxe: Lost Highway Director/a: David Lynch Ano de produción: 1997
11 marzo - 20:30 h:		Curtametraxe galega: O Hospital Director/a: Iván Seoane Ano de produción: 2007 Longametraxe: Dean Ringers Director/a: David Cronenberg Ano de produción: 1988
18 marzo - 20:30 h:		Curtametraxe galega: O Conxuro Director/a: Pablo Millán Ano de produción: 2006 Longametraxe: Adaptation Director/a: Spike Jonze Ano de produción: 2002
25 marzo - 20:30 h:		Curtametraxe galega: O Cazador Director/a: Ángel Santos Ano de produción: 2007 Longametraxe: Buffalo 66 Director/a: Vincent Gallo Ano de produción: 1999

Exposición de fotografía:

Exposición dos traballos das últimas promocións dos obradoiros de fotografía do campus de Ferrol.

Coordinada por:		Rocío Brage
Datas:		15 de marzo ao 15 de abril
Lugar:		Sala de exposicións (ao lado do Salón de actos do campus de Esteiro)