Cursos Deportivos

Para poder participar en calquera actividade programada pola Área de Deportes da UDC, todolos membros da Comunidade Universitaria deberán ser Abonados/as da Área de Deportes no presente curso académico.

Os prazos de inscrición para estes cursos abriranse 15 días antes do comezo do curso para os membros da Comunidade Universitaria e 7 días antes para os usuarios Non Universitarios.

• Os usuarios Non Universitarios deberán abonar unha matrícula de 40€, a maiores do prezo da actividade na que se anoten, para poder participar nas actividades abertas a eles.
• Toda RESERVA de praza feita nunha actividade deportiva con posterioridade ao comezo da mesma, conservarase como máximo 2 días hábiles; transcorrido este prazo a reserva quedará anulada. No suposto de ter realizado o pago mediante ingreso bancario, deberase presentar o resgardo do pago nas oficinas da Área de Deportes no prazo anteriormente marcado, de non ser así, procederase á anulación da praza.
• A Área de Deportes resérvase o dereito de suspender algún curso de non se alcanzar unha participación mínima ao remate do prazo de inscrición para a Comunidade Universitaria. Cómpre consultalo no momento da inscrición.