Actualmente a Escola Universitaria de Estudos
Empresariais realiza, a través da páxina web da Universidade da
Coruña, a súa ofertas de prácticas, ou incluso emprego, en
empresas.
REQUISITOS PARA A REALIZACIÓN DAS PRÁCTICAS
Para a realización de prácticas en empresas a
través da Escola deberanse reunir unha serie de requisitos:
Ser alumno do centro.
Ter superados, como mínimo, o 50% dos
créditos totais da carreira (sen incluir créditos de libre
configuración).
As prácticas deberán ter unha duración
máxima de 500 horas.
Recoñeceranse un máximo de 9 créditos de
libre elección pola realización de prácticas en empresas,
sendo o ratio de equivalencia de 3 créditos por cada 100
horas traballadas.
FUNCIONAMENTO DA PÁXINA WEB DE PRÁCTICAS:
O funcionamento do sistema ofertado a través da web é
sinxelo. En primeiro lugar, e unha vez nos atopamos na páxina
da UDC, deberemos clicar no link "Emprego- Alumno".
Na páxina principal ofértanse unha serie de posibilidades.
Nós entraremos no apartado "Acceso Alumnos e Titulados". Unha
vez aquí, seguiremos un camiño ou outro en función do que
queiramos facer:
1. Se inda non te deches de alta no sistema preme o botón
"Novo Usuario". Unha vez lidas e aceptadas as condicións da
Ley de Protección de Datos, deberás cumplimentar os campos
que aparecen.
O "Nome de Usuario" e o "Contrasinal" funcionan de
maneira idéntica a cando das de alta unha dirección de
correo electrónico. Serán a túa chave para acceder ó sistema
polo que sería aconsellable que escolleras palabras que che
sexan fáciles de recordar e que ó mismo tempo só coñezas ti.
Nembargantes, se algún día se che esquecen, non te
preocupes porque o sistema conta cun apartado precisamente
para estes casos. Así, premendo en "Lembrar Claves" e
introducindo o teu email ou o teu nome de usuario, ditas
claves seranche enviadas ó teu correo electrónico.
Unha vez cumplimentes tódolos campos, pincha no botón
"Enviar". En canto os teus datos sexan validados polo Centro
Xestor, recibirás un email de benvida ó sistema.
2. Se xa eres usuario do sistema poderás acceder a
calquera dos servicios que a Escola pon a túa disposición a
través deste portal.
MI CV: Este é o primeiro paso. Así, o sistema
vaiche solicitando unha serie de datos (persoais,
formación, experiencia profesional, idiomas,
informática...) que permitirán confeccionar o teu
currículum vitae, a túa carta de presentación. Estes datos
non son inmutables, poderás modificalos cando queiras
(para esto simplemente deberás entrar no teu currículum e
clicar na pestaña correspondente a área que queres
modificar).
NOTA: Aconséllase cubrir tódolos campos para evitar
posibles problemas por falta información.
Unha vez elaborado o teu CV poderás acceder ás distintas
prácticas ou postos de traballos que oferten as empresas a
través desta plataforma.
PRÁCTICAS: Neste apartado recónllense tódalas
prácticas que nese momento se ofertan a través do
servicio. Poderás ver o contido de calquera delas,
simplemente premendo no nome da práctica en cuestión, ou
volver á relación inicial clicando en "Volver á lista".
Se algunha delas che interesa, podes enviar o teu
currículum fácilmente, para esto basta con pulsar en
"Enviar Currículum", así entrarás no proceso de selección
que leve a cabo a empresa.
Ademáis, poderás realizar búsquedas en función de
diferentes criterios (área xeográfica, empresa...) e
imprimir a información da práctica que che interese.
NOTA: Pode suceder que nese preciso momento non se esté a
ofertar ninguna práctica a través da web polo que sería
convinte que o alumno consultase periódicamente o sistema
para estar atento ás posibles novidades.
OFERTAS: O funcionamento deste apartado é
exactamente igual que no caso das prácticas, só que neste
caso o que nel se recollen son ofertas de emprego
publicadas polas diferentes empresas participantes.
MI AGENDA: Este apartado ten varias utilidades.
Por un lado permite almacenar información sobre as
prácticas e ofertas nas que estás inscrito (Mis prácticas
/ Mis ofertas), mostrando o estado no que se atopan en
cada momento, así como os posibles comunicados recibidos,
tanto do centro xestor coma da propia empresa.
Ademais, dende este apartado poderás modificar as túas
claves de acceso, activar ou desactivar o teu currículum e
incluso darte de baixa no sistema de maneira definitiva (premendo
a opción adecuada en cada caso dentro da pestaña "Mis
opciones").
SUXERENCIAS: A través deste apartado poderás
dar a túa opinión sobre o funcionamento do sistema,
aportar novas ideas ou deixar constancia das túas críticas
sobre calquera dos temas relacionados coa plataforma.
PROCEDEMENTO PARA A REALIZACIÓN DAS
PRÁCTICAS
Así, centrándonos na realización de prácticas en empresas,
os pasos a seguir serían, a modo de resumo, os seguintes:
darte de alta na plataforma (alumno-emprego)
confeccionar o teu currículum
unha vez consultadas as prácticas ofertadas nese
momento, inscribirte naquela/s que che interese/n, enviando
o teu currículum para entrar no proceso de selección.
No caso de que sexas seleccionado por algunha empresa e te
incorpores á mesma, asígnaráseche un tutor, tanto na Escola
coma na empresa. Durante o período de prácticas, ámbolos dous
tutores manterán contacto entre sí para evaluar o teu
desenvolvemento e traballo ou xestionar calquera incidencia
que se poida presentar.
Ademais, unha vez realizadas as prácticas, deberás
presentar un informe, recollendo os coñecementos e habilidades
adquiridos, as áreas da empresa nas que participaches ou as
anotacións que en cada caso se estimen oportunas. A empresa,
pola súa parte, deberá entregar a documentación pertinente,
que acredite o teu traballo durante a colaboración coa mesma.
Por último, tanto ti coma a empresa recibiredes un
formulario ou cuestionario, co propósito de avaliar o nivel de
satisfacción de cada unha das partes e demais aspectos que o
centro estime convinte.
