Cultura

Dámosvos a benvida á páxina da Área de Cultura de A Coruña e Ferrol, dependente da Vicerreitoría de Estudantes, Participación e Extensión Universitaria. Aquí poderedes atopar información de interese sobre a nosa oferta cultural, que comprende exposicións, diferentes talleres, ciclos, teatro, danza e actividades de extensión universitaria que queren dar resposta ás demandas culturais tanto das persoas que pertencen á comunidade universitaria como das que non son parte dela. 

Instalacións culturais da Universidade da Coruña:

Campus da Coruña

Normal. Espazo de Intervención Cultural

Paseo de Ronda 47

15011 A Coruña

 Normal

 

 

 

 

 

 

 NORMAL é un espazo cultural activo, un espazo de intervención. É un contedor para a produción/coprodución de iniciativas e de proxectos propios: nova escena contemporánea, cinema, artes visuais, multimedia, música avanzada, voluntariado e cooperación…

Unha programación diferente, interdisciplinaria, vinculada á experimentación, ás novas linguaxes contemporáneas, preferentemente urbanas e aquelas ligadas ás Media-Arts. Espazos abertos á sociedade e aos artistas, ás asociacións, á colaboración institucional, dentro de criterios de calidade. Talleres onde creadores da Universidade e de fóra dela poidan producir e despois expor o seu traballo. Ligar a cultura á vida pública no sentido máis amplo, con atención á reflexión sobre políticas de xénero e a cooperación. Oferta de cursos e master class sobre arte, cinema, literatura, músicas, pensamento e todas aquelas actividades que antes estaban dispersas na Universidade.

Campus de Ferrol

Centro Cultural 1

O Centro Cultural Universitario de Esteiro acolle a oferta cultural do campus, tanto os cursos e obradoiros (arte, cinema, teatro, música, fotografía...), como os ciclos de cinema ou exposicións. Nel atópase a propia Oficina da Área de Cultura de Ferrol, e dispón de dúas aulas multiusos, unha ampla sala de exposicións e dunha sala de proxección dotada cos máis modernos equipos de imaxe e son.

Ás instalacións referidas, hai que engadir o uso complementario do Edificio de Apoio ao Estudo ou do Salón de Actos do campus de Esteiro, espazos cedidos xenerosamente pola Vicerreitoría do Campus de Ferrol e Reponsabilidade Social.

Actualidad

03 oct
Do 2 ao 15 de outubro poderán matricularse nos obradoiros
23 jun
Luns, 26 de xuño, ás 20.00 horas na Igrexa do campus de Esteiro
23 jun
Mércores, 28 de xuño, a partir das 20.15 h, no Paraninfo da Universidade
02 may
Entradas de balde para o concerto da OSG
25 abr
Xoves, 27 abril, con motivo do Día Internacional da Danza