Entradas para o concerto da OSG do 5 de novembro

Se eres estudante da UDC xa podes solicitar a túa entrada para o concerto da Orquestra Sinfónica de Galicia

 Volvemos poñer a disposición do alumnado da UDC entradas de balde para o concerto da Orquestra Sinfónica de Galicia do sábado 5 de novembro de 2016. Para solicitar as entradas haberá que enviar un correo electrónico ao enderezo cultura.coruna@udc.es, indicando nome e número de DNI da persoa solicitante e co asunto: "entradas OSG".

 Requisitos:

- Queda excluída desta entrega de entradas toda persoa que teña unha relación contractual ou estatutaria coa UDC. Tamén quedará excluído o alumnado que non envíe o correo electrónico desde o dominio UDC.

- Cada peticionario só poderá presentar unha solicitude..

- As entradas serán adxudicadas por estrito orden de petición e as persoas beneficiarias poderán recoller as entradas no servizo do SAPE durante os días 3 e 4 de novembro

-As entradas só serán válidas para a persoa adxudicataria, polo que no momento da recollida haberá que presentar o DNI.

- Poderase enviar o correo solicitando as entradas até o día 1 de novembro inclusive.

Aquí podedes ver o programa da tempada 2016/2017 da Orquestra Sinfónica de Galicia. As entradas de balde serán para os concertos do "Abono sábado".