Este plano pioneiro e innovador na nosa Universidade ten o obxectivo de formar os novos profesionais que recentemente se teñan incorporado aos labores docentes e investigadores na UDC.

Este é un plano ambicioso en que se busca proporcionar ao profesorado unha formación básica para o exercicio da súa función docente no inicio da súa andaina académica. Preténdese que adquiran destrezas e coñecementos didácticos e metodolóxicos a través dos programas de metodoloxía didáctica e do programa de tecnoloxía educativa; tamén pretende proporcionar un coñecemento profundo da nosa Universidade, da súa estrutura, dos seus servizos e das súas redes de recursos, así como sobre o marco legal que afectará á súa vida profesional nesta institución. Pretende tamén actuar na prevención de riscos laborais asociados ao desempeño da profesión docente e contribuír a xerar un axeitado contexto sociolaboral que facilite o ensino e a investigación.

Esperamos e desexamos que esta oferta inicial, que é completada con outras dirixidas ao profesorado (PAE), sexa moi útil e valiosa para o profesorado novel e que cumpra a función para a que foi deseñada.