Os cursos terán lugar entre novembro de 2011 e xuño de 2012, nas datas indicadas no programa de cada un dos cursos.

Os cursos realizaranse nos aularios do CUFIE no Campus da Coruña.

O profesorado adscrito aos centros do Campus de Ferrol, pode solicitar o abono das axudas de custo de desprazamento para a realización do curso.
Formulario de dieta (Ten que encher os campos sombreados en gris e envialo xunto cunha fotocopia do certificado de asistencia)

Profesorado novel con catro anos ou menos de experiencia docente na Universidade da Coruña, así como bolseiros con docencia recoñecida no POD.

Se o interesado perde a súa vinculación coa Universidade da Coruña non poderá seguir participando no PFI.

5 prazas por cada curso, reservadas dentro do Plano de Apoio ao Ensino (PAE).

Destacar que este ano, hai cambios nas bases de participación do plano.

O PFI, nesta convocatoria non ten cursos específicos. Dentro do PAE reservaranse 5 prazas por curso para que os participantes do PFI poidan rematalo

Os interesados deberán rematar o PFI nun máximo de 3 anos, debendo cumplir o mínimo de horas especificado para cada programa:

	Metodoloxía Didáctica	92 horas
	Tecnoloxía Educativa e Ensino Semipresencial e a Distancia	60 horas
	Saúde e Prevención de Riscos Laborais	24 horas
	Contexto Socio-institucional e traballo na UDC	24 horas

A preinscrición non implica estar matriculado nos cursos do PFI por mor do límite de prazas. A confirmación da admisión comunicarase por correo electrónico ao enderezo que facilite a persoa interesada no formulario de preinscrición. Posteriormente publicarase o listado na web do CUFIE.

Para que un curso do PAE se poida celebrar ten que haber un mínimo de 15 participantes.

As persoas interesadas en participar no PFI non poderán participar no Plano de Apoio ao Ensino (PAE).

Rógase a toda aquela persoa que non puider asistir o curso en que sexa admitida, o comunique ao CUFIE, para avisar outra persoa interesada da lista de agarda.

O prazo de notificación da renuncia ao curso é de 3 días lectivos antes do inicio do curso e terá que ser enviada, por correo electrónico a dirección ufa@udc.es.

Debido a grande demanda dos cursos, cunhas listaxes de agarda longas, a persoa que non asista a un curso ou non notifique a súa falla nos prazos establecidos, perderá a posibilidade de realizar outro curso nesta convocatoria 2011-2012.

1.	Profesorado pendente de rematar o PFI.
2.	Profesorado funcionario de carreira e interinos.
3.	Profesorado contratado laboral.
4.	Bolseiros con docencia recoñecida no POD.
5.	Orde de recepción de solicitudes.

No caso de que algún dos participantes no PFI acredite ter participado nalgún dos cursos dos programas, poderá solicitar a correspondente validación do curso enviando unha fotocopia do certificado de asistencia.

Para que a participación sexa considerada de proveito terase a obriga de asistir un mínimo do 85% de cada un dos cursos que constitúen os diferentes programas.

Unha vez completadas as 200 horas de formación do do Plano de Formación Inicial (PFI), emitirase un certificado expedido pola Universidade da Coruña, asinado pola Vicerreitora de Calidade e Novas Tecnoloxías e o Director do CUFIE.

Ao final de cada curso académico, enviarase un xustificante de participación no PFI cos cursos feitos na convocatoria en vixencia.