Os cursos terán lugar entre novembro de 2012 e maio de 2013, nas datas indicadas no programa de cada un dos cursos.

Os cursos realizaranse nos aularios do CUFIE no Campus da Elviña.
Os alumnos que pertenzan aos centros do Campus de Ferrol, poderán solicitar o pagamento dos gastos de desprazamento para a realización do curso.
Formulario de dieta (Ten que encher os campos sombreados en gris e envialo xunto cunha fotocopia do certificado de asistencia e o de alta da conta)
Formulario de alta da conta bancaria (Ten que encher os campos sombreados en gris e envialo xunto cunha fotocopia do certificado de asistencia e o de dieta)

Alumnado da Universidade da Coruña

A preinscrición non implica estar matriculado no curso por mor do límite de prazas. A confirmación da admisión en cada curso comunicarase por correo electrónico ao enderezo que facilitará a persoa interesada no formulario de preinscrición. Posteriormente exporanse os listados na web do CUFIE.

Para que un curso se poida celebrar ten que haber un mínimo de 15 participantes.

Solicítase a toda aquela persoa que non puider asistir ao curso en que sexa admitida, que o comunique o antes posible ao CUFIE, para podermos avisar outra persoa interesada da lista de agarda.

O prazo de notificación da renuncia ao curso é de 3 días lectivos antes do inicio do curso e terá que ser enviada, por correo electrónico a dirección ufa@udc.es.

Debido a grande demanda dos cursos, cunhas listas de agarda longas, a persoa que non asista a un curso ou non notifique a súa falla nos prazos establecidos, perderá a posibilidade de realizar outro curso nesta convocatoria 2012-2013.

1.	Alumnado que participara na avaliación do proceso de ensino-aprendizaxe que conduce a elaboración do Plano Director Docente.
2.	Alumnado que na presente convocatoria do Plano de Apoio á Aprendizaxe 2011-2012 non participara xa nalgún dos cursos convocados.
3.	Alumnado que teña realizado un menor número de cursos do Plano de Apoio á Aprendizaxe nas convocatorias anteriores.
4.	Alumnado que no presente mes non estea convocado para outro curso.
5.	Orde de recepción de solicitudes.

A participación de proveito en cada curso implica a emisión dun certificado expedido pola Universidade da Coruña, asinado pola Vicerreitora de Calidade e Novas Tecnoloxías e o Director do CUFIE.

Os certificados deberán recollerse, despois da súa confirmación por correo electrónico, no negociado do CUFIE.

Para que a participación sexa considerada de proveito terase a obriga de asistir un mínimo do 85% do mesmo.

Os alumnos que desexen obter o recoñecemento de créditos deberán solicitalo na Administración do seu centro, para o que presentarán o orixinal e unha fotocopia do diploma de asistencia que será cotexado polo administrador do centro.