A misión coa que nace a UFA é facilita-la formación e asesoramento necesario nos diversos aspectos do proceso de ensino/aprendizaxe para o profesorado e alumnado da Universidade da Coruña, para unha mellora da calidade. Sendo a súa visión a de levar a cabo diferentes programas de apoio, axudas e premios para unha mellora do proceso de ensino/aprendizaxe, tendo en conta os diferentes cambios que se producen no sistema educativo.

Dende a creación do CUFIE, veuse proporcionando ao profesorado unha oferta crecente de recursos formativos dirixidos á súa actualización docente e a proporcionarlles coñecementos e ferramentas pedagóxicas con que realizar máis eficazmente o seu labor.

Xa ca creación da UFA, e de acordo coas Liñas estratéxicas da Universidade da Coruña para a converxencia ao Espazo Europeo de Ensino Superior, concretamente dentro do Plano de Apoio, concrétase que o proceso de formación no vai só dirixido ao profesorado universitario (Plano de Apoio ao Ensino, PAE), como viña transcurrindo ata agora na antiga estructura do CUFIE, senón que, unha gran parte das propostas que se fan son de interese tamén para estudantes (Plano de Apoio á Aprendizaxe, PAA), o profesorado novel (Plano de Formación Inicial, PFI).

Cada un destes planos contén accións formativas que responden ás dimensións que se identifican no Plano Director Docente (avaliación, titorías, etc.). As dimensións máis relevantes ten que ver coas competencias que son necesarias para ensinar, para aprender o para apoiar aos que ensinan e aprenden.

O Plano de Apoio desenvolvese unha vez elaborado o Plano Director Docente. Este plano será ofertado todos os anos e terá as variacións derivadas tanto do que se desprenda do Plano Director Docente como das demandas reais das accións propostas. O Plano de Apoio nace con pretensión de cubrir o maior abano posible de necesidades, polo que aspira a que os seus usuarios poidan chegar a realizalo na súa totalidade nun momento ou noutro da súa vida académica de xeito presencial ou virtual.

O Plano Director Docente é o que detecta anualmente as necesidades de apoio da comunidade universitaria da UDC. Os seus resultados afectan de forma dinámica á programación plurianual do PA. Os datos para a súa elaboración obtense mediante a Enquisa Docente, un procedemento de cuestionario posto en marcha no ano 2004 e dirixido á comunidade universitaria e referiranse por separado ás necesidades relacionadas co ensino e coa aprendizaxe, recollendo así o sesgo cara ás actividades de aprendizaxe que define o novo marco universitario.

Unha vez cubertos os cuestionarios, os participantes poderán ver na web os resultados dos seus datos e os globais da Universidade da Coruña e sobre os recursos materais e formativos que a UDC pon a súa disposición ata ese momento.