Este plano de organización e desenvolvemento de cursos de especialización e perfeccionamento para o profesorado de Secundaria, enmárcase no cadro formativo que o CUFIE ven ofertando desde hai varios anos e que ten, como obxectivo principal, o de promover a formación do profesorado de tódolos niveis educativos.

Este novo plano elaborouse pensando nas necesidades manifestadas polo propio profesorado que está a iniciar a súa andaina profesional. Necesidades que evidencian a urxencia de recibir unha oferta formativa dirixida á adquisición de destrezas e coñecementeos didácticos e metodolóxicos, así como o uso racional das TIC nas aulas de Educación Secundaria.

Asemade, aínda que somos conscientes que a formación práctica é indispensable, con esta iniciativa propoñémonos completar a formación dos profesores e profesoras da Educación Secundaria nalgúns aspectos relacionados coa teoría do ensino, xa que compartimos a opinión de que tanto a elaboración de criterios de análise, como a súa interpretación e construcción dunha indentidade profesional crítica, asegura unha praxis educativa máis axeitada e xusta.

Agardamos que esta oferta formativa sexa benvida e con ela poidamos dar un paso máis no longo camiño que debemos recorrer no noso oficio de aprender e ensinar.