Organización do Consello Social

Composición do pleno

O Consello Social estrutúrase en órganos colexiados e órganos unipersoais.

Son órganos colexiados os seguintes:

• Pleno.
• A Comisión Executiva.
• A Comisión Permanente de Asuntos Económicos, 
• Financeiros e Patrimoniais.
• A Comisión Permanente de Supervisión de Actividades Universitarias.
• As Comisións temporais que se determinen constituír.

Son órganos unipersoais os seguintes:

• Presidente.
• Os Vicepresidentes, no seu caso.
• Secretario.

O Pleno, composto por todos os membros do Consello Social, un total de vintesete (27), é o máximo órgano de goberno e de deliberación. A súa composición é a seguinte:
Vinteún membros en representación dos intereses sociais de Galicia designados da seguinte maneira:
 

• Presidente, nomeado por decreto do presidente da Xunta de Galicia, a proposta do conselleiro competente en materia universitaria.
• Seis membros designados polo Parlamento de Galicia.
• Seis membros designados pola Xunta de Galicia.
• Catro membros designados polas organizacións empresariais.
• Dous membros designados polos sindicatos.
• Un membro designado por cada corporación local dos concellos en que se localizan os campus da UDC (A Coruña e Ferrol).

Seis membros en representación dos intereses da comunidade universitaria:

• Tres membros natos, Reitor, Secretario Xeral e Xerente.
• Tres membros elixidos polo Consello de Goberno da UDC, un profesor, un representante do persoal de administración e servizos e un estudante.