Xavier Alcalá potenciará as relacións científico-tecnolóxicas da UDC

A Coruña, 6 de setembro de 2013.- O enxeñeiro en Telecomunicación Xavier Alcalá vén de ser nomeado xefe do Gabinete de Relacións Científico-Tecnolóxicas da Universidade da Coruña, departamento dependente da Vicerreitoría de Investigación e Transferencia.
O novo gabinete enmárcase dentro das accións da Oficina de Transferencia de Resultados de Investigación (OTRI), do que é xerenta executiva Pilar Pintor.
Este nomeamento ten como obxectivo potenciar as relacións científico-tecnolóxicas entre os investigadores da Universidade da Coruña co sector produtivo e empresarial e no ámbito da área de I+D+i internacional. Xavier Alcalá é doutor en Informática pola Universidade da Coruña, na que exerceu como profesor entre os anos 1996 e 2012.

Máis información:
http://www.udc.es/otri/
http://www.udc.es/goberno/equipo_reitoral/vice_investigacion_e_transferencia/