UDC e Inditex asinan un convenio de bolsas para estudantes de doutoramento

A Coruña, 8 de xullo de 2013.- O reitor da Universidade da Coruña, Xosé Luís Armesto, e o presidente de Inditex, Pablo Isla, asinarán un convenio de colaboración mañá, martes, 9 de xullo, na Sala de Xuntas da Reitoría, ás 11:00 horas, en beneficio dos estudantes da Escola Internacional de Doutoramento.
Con este acordo, a Universidade da Coruña e Inditex ofrecerán un programa de bolsas para estadías predoutorais no estranxeiro, dirixido a estudantes matriculados nun programa de doutoramento na UDC, co obxectivo de que poidan acadar a Mención Internacional na súa tese.