Presentación do Plan Estatal de Investigación na Escola de Camiños

A Coruña, 8 de xullo de 2013.- A subdirectora Xeral de Proxectos de Investigación do Ministerio de Economía y Competitividad, Marina Villegas Gracia, estará mañá, martes, 9 de xullo, na Escola Técnica Superior de Enxeñaría de Camiños, Canais e Portos, para explicar o Plan Estatal de Investigación Científica e Técnica e de Innovación”.
Villegas estará no salón de actos da escola ás 12:00 horas xunto co vicerreitor de Investigación e Transferencia, Ricardo Cao; a xestora da área de Tecnoloxías Informáticas do MINECO, Nieves Rodríguez Brisaboa; o colaborador do xestor de Matemáticas do MINECO, Carlos Vázquez Cendón; e o adxunto á Vicerreitoría de Investigación e Transferencia, Horacio Naveiras Fachal.
O propósito da reunión cos investigadores da Universidade da Coruña é explicar as próximas convocatorias de proxectos de investigación así como a previsión de financiamento de investigación básica e aplicada do Ministerio de Economía e Competitividade do novo Plan Estatal para 2013/2016.