Nova acreditación para os SAI para as analíticas con augas continentais

A Coruña, 17 de xuño de 2013.- Os Servizos de Apoio á Investigación (SAI) da Universidade da Coruña veñen de obter a acreditación ENAC segundo a Norma UNE-ISO IEC 17025 para a realización de ensaios analíticos no sector medioambiental relacionados con augas continentais.
Os SAI poderá deste xeito analizar varios parámetros que inclúen a medida de pH, a conductividade, iones amonio, demanda biolóxica de osíxeno (DBO), sólidos en suspensión, demanda química de osíxeno (DQO), fósforo en disolución e metais disoltos cadmio, arsénico, chumbo, níquel, cobre e cromo. Esta acreditación únese á xa conseguida no ano 2009 para a medida de dioxinas en varias matrices alimentarias.
O SAI presta servizo a investigadores da Universidade da Coruña e a outras institucións públicas e privadas a través das distintas unidades que o compoñen. Así conta con laboratorios de apoio á investigación en bioloxía molecular, microscopia, espectrometría de plasma-masas, espectroscopia, molecular, xeocronoloxía, técnicas cromatográficas, etc.
Máis información: https://www.sai.udc.es/