O reitor inaugura un curso sobre lingua e xustiza social en Carballo

A Coruña, 17 de xullo de 2012.- O reitor da Universidade da Coruña, Xosé Luís Armesto, inaugurará mañá, mércores, 18 de xullo, o VIII Curso de Verán de Dinamización Lingüística: Traballando en Lingua. Dinamización Lingüística e Xustiza Social, que se desenvolverá ata o venres no Fórum Carballo.
Xunto co reitor estarán no acto de apertura ás 10:30 horas, o alcalde de Carballo, Evencio Ferrero, o secretario Xeral de Política Lingüística, Valentín García Gómez, a directora do Servizo de Normalización Lingüística da UDC, Goretti Sanmartín, e o presidente do CTNL, Nel Vidal.
Máis información sobre o curso:
http://www.udc.es/occ/gal/2012/cursoveran/programas/curso13.pdf