Sesión de Consello de Goberno mañá na UDC

A Coruña, 16 de xullo de 2012.- O Consello de Goberno da Universidade da Coruña tratará mañá, martes, 17 de xullo, na súa sesión ordinaria, diversos temas dentro da orde do día como o calendario de admisión e matrícula nos estudos de doutoramento. A sesión na Reitoría comezará ás 9:00 horas en primeira convocatoria e media hora máis tarde en segunda.
Na sesión levaranse para a súa aprobación varios regulamentos como o de Estudos de Doutoramento, de Creación de empresas de base tecnolóxica, o Regulamento de Propiedade industrial e intelectual ou a normativa de recoñecemento de créditos por actividades nos graos da Universidade da Coruña.