A Vicerreitora de Cultura presenta o luns a nova exposición de Normal

A Coruña, 1 de xuño de 2012.- A vicerreitora de Estudantes, Deportes e Cultura, María José Martínez, presentará o vindeiro luns en rolda de prensa a nova exposición de Normal que leva como título “Poñer cousas en orde” e que poderá verse do 11 de xuño ao 20 de xullo.
Na conferencia de prensa, que terá lugar no espazo de intervención cultural da Universidade da Coruña, Normal, en Riazor, ás 11:30 horas, estarán o coordinador, Luís Caparrós, e os comisarios da mostra, Dani Bembibre e María América. A exposición contará coa participación de máis de 25 artistas, entre arquitectos, fotógrafos, deseñadores, músicos, etc. A orixe do proxecto é o manifesto visual Put Things in Order desenvolvido polo deseñador Dani Bembibre xunto a América Díaz, entre Helsinki e Barcelona no ano 2006.