Conferencia sobre Londres 2012 en INEF

O director de Deportes do COE falará na Facultade do Deporte da participación española nos Xogos de Londres 2012

O Salón de actos da Facultade de Ciencias do Deportes e a Educación Física da Universidade da Coruña acollerá hoxe luns, 6 de febreiro, ás 13.00 horas, a conferencia do director de Deportes do Comité Olímpico Español, Ricardo Leiva, sobre “A participación do equipo de España nos Xogos Olímpicos de Londres 2012”. Este relatorio, de entrada libre e de balde, enmárcase no Ciclo de Conferencias Londres 2012 organizado por este centro da Universidade da Coruña.