O profesorrado do Centro de Linguas é seleccionado atendendo á mellor combinación das catro características seguintes, valoradas mediante unha análise minuciosa do curriculum vitae e, no caso de superar esta fase, mediante entrevista formal coas coordinadoras académicas do Centro:

• dominio nativo ou cuasi-nativo da lingua
• formación especializada no ensino de segundas linguas (incluíndo o dominio das novas tecnoloxías)
• experiencia docente
• referencias

O número de profesores é amplo dabondo para garantir que quen leve varios módulos consecutivos no Centro sexa atendido por profesores diferentes, dando así a posibilidade de habituarse a novas voces, novos acentos e novos ritmos. Cada trimestre dan clase no Centro de Linguas entre 25 e 30 profesores.