O nivel B1 no Marco Europeo Común de Referencia

É un punto de referencia para medir o nivel de coñecemento dunha lingua estranxeira, conforme ao Marco Europeo Común de Referencia (MECR). Acreditar a posesión dese nivel é necesario para matricularse no Mestrado Universitario de Profesorado de ESO e Bacharelato, Formación Profesional e Ensinanza de Idiomas. Pode ser esixido tamén nalgunhas outras titulacións, ben como requisito previo, ben como condición para obter o título.

O MECR establece seis niveis de coñecemento. O nivel B1 corresponde a un usuario que comeza xa a ser independente, que xa non necesita axuda constante para desenvolverse nunha lingua estranxeira.

O cadro seguinte esquematiza os tipos de usuario e os niveis de coñecemento. Para saber máis sobre cada nivel, preme nos enlaces da columna da dereita.

Para facerte unha idea sobre se tes o nivel B1 nalgunha lingua estranxeira, contesta este cuestionario de autoavaliación. Tamén podes facer o test Dialang, premendo no enlace "Cal é o meu nivel" no menú da esquerda.