Artigo 6. O Xefe do Servizo de Biblioteca é o responsable da xestión e do funcionamento do servizo. As funcións do Xefe do Servizo de Biblioteca son:

a) Propoñer a planificación estratéxica plurianual do Servizo de Biblioteca, de acordo coas disposicións e directrices que ao efecto aproben os órganos de goberno da Universidade.
b) Dirixir, organizar e xestionar o Servizo de Biblioteca.
c) Propoñer o cadro de persoal do Servizo de biblioteca, de acordo coas directrices establecidas pola Xerencia.
d) Elaborar o anteproxecto de orzamento do material bibliográfico do Servizo de Biblioteca segundo os criterios previamente establecidos pola Comisión de Biblioteca da UDC, así como o anteproxecto de orzamento dos gastos de funcionamento da súa competencia.
e) Elaborar a memoria anual de xestión e funcionamento da Biblioteca e presentala á Comisión de Biblioteca da UDC.
f) Participar na elaboración e desenvolvemento dos proxectos de instalacións e equipamento que afecten ao Servizo.
g) Representar ao Servizo de Biblioteca ante as autoridades e órganos de goberno da Universidade e ante outras institucións, dentro das directrices que, con carácter xeral, fixe a autoridade académica responsable do Servizo.
h) As funcións propias da secretaría da Comisión de Biblioteca da UDC.
i) Propoñer e organizar cursos de formación e perfeccionamento do persoal adscrito ao servizo de acordo co Servizo de Persoal da Universidade.
j) Todas aquelas outras que, no ámbito da súa competencia, lle sexan atribuidas pola autoridade académica da que depende o Servizo.

Artigo 7. A participación de todos os sectores implicados no Servizo de Biblioteca articúlase a través dos seguintes órganos: a Comisión de Biblioteca da UDC, a Xunta Técnica e as comisións de bibliotecas de centros ou intercentros.

Artigo 8. A Comisión de Biblioteca da UDC é o órgano colexiado que participa na planificación, no desenvolvemento e na xestión da Biblioteca.
A Comisión de Biblioteca da UDC está composta por:
1.- Presidente: o reitor ou vicerreitor en quen delegar
2.- Vocais:

a) O xerente da Universidade
b) Sete presidentes de Comisións de bibliotecas de centros con representación
das distintas ramas de coñecemento en que se estruturan os ensinos oficiais
universitarios, coa seguinte distribución:
1 de Artes e Humanidades
1 de Ciencias
1 de Ciencias da Saúde
2 de Ciencias Sociais e Xurídicas
2 de Enxeñaría e Arquitectura
A elección será realizada polo Consello de Goberno.
c) Catro representantes, do sector de alumnado, elixidos polo Consello de Goberno, dos que alomenos un será de terceiro ciclo.
d) Un representante do Servizo de Informática e Comunicacións, designado polo reitor ou vicerreitor en quen delegue.
e) Dous representantes dos directores de bibliotecas de centros e un representante dos xefes de sección, designados por e entre os membros da Xunta Técnica.

3.- Secretario: o Xefe do Servizo de Biblioteca, con voz e voto.
Por razón de interese ou cualificación dos temas sometidos a consideración, poderán asistir, con voz pero sen voto, todas aquelas persoas invitadas polo Presidente da Comisión.
A duración do mandato dos membros electos será de catro anos, agás no caso dos estudiantes que será de dous.
A calidade de membro da Comisión de Biblioteca da UDC é indelegable no caso dos vocais.

Artigo 9. As funcións da Comisión de Biblioteca da UDC son:

a) Aprobar a planificación estratéxica plurianual e os obxectivos anuais do Servizo de Biblioteca presentados polo Xefe do Servizo.
b) Realizar propostas de mellora para o funcionamento dos servizos
c) Propoñer os criterios e as recomendacións xerais para a elaboración e distribución do orzamento.
d) Informar os proxectos de novas instalacións e equipamentos
e) Aprobar as liñas xerais de desenvolvemento das coleccións do Servizo de Biblioteca.
f) Aprobar a memoria anual do Servizo de Biblioteca.
g) Aprobar as normas que desenvolven este Regulamento.
h) Resolver calquera cuestión relacionada co servizo que lle someta a consideración o seu presidente ou un terzo, alomenos, dos membros da Comisión.
i) Asesorar e elevar propostas en todos os asuntos que pola súa importancia se considere necesario someter á súa consideración, e que non poidan resolverse aplicando este Regulamento.
j) Propoñer a modificación do presente Regulamento, e velar polo seu cumprimento.

Artigo 10. A Comisión de Biblioteca da UDC reunirase polo menos unha vez ao ano e sempre que a convoque o seu presidente ou o solicite un terzo dos seus membros.

Artigo 11. A Xunta Técnica funciona como un órgano consultivo de apoio e asesoramento do Servizo de Biblioteca, e está composta polo Xefe do Servizo, que a preside, e os directores de bibliotecas de centros e intercentros e os xefes de sección, que actúan como vocais .
Actuará como secretario, sen voz e sen voto, un bibliotecario da Biblioteca Central, elixido pola Xunta Técnica por un período, renovable, de dous anos.
Por razón de interese ou cualificación dos temas sometidos a consideración, poderán asistir, con voz pero sen voto, todas aquelas persoas invitadas polo Xefe do Servizo.

Artigo 12. Os membros da Xunta Técnica reunirase periodicamente para tratar dos asuntos relativos as súas competencias. Reuniránse polo menos dúas veces ao ano, e sempre que a convoque o Xefe do Servizo ou o solicite a metade máis un dos seus membros.

Artigo 13. As funcións da Xunta Técnica son:

a) Asesorar e informar ao xefe de servizo e aos xefes de sección en todas as cuestións técnicas e organizativas que lle solicite, unificando criterios para un correcto funcionamento do servizo.
b) Realizar propostas sobre calquera cuestión de interese para o servizo.
c) Decidir no seu caso a formación de grupos de traballo temporais, que terán como finalidade abordar aspectos concretos da actividade bibliotecaria. Nestes grupos poderán estar integradas persoas das diferentes categorías profesionais do Servizo.

Artigo 14. As comisións de bibliotecas de centros e intercentros son órganos colexiados que permiten a participación da comunidade universitaria na xestión da biblioteca do centro.
A Comisión de Biblioteca de Centro estará composta, alomenos, por:
1.- Presidente: o decano ou director do centro, ou persoa en quen este delegue.
2.- O director da biblioteca do centro
3.- Vocais:

a) Seis profesores elixidos pola Xunta de Centro. Ten que haber polo menos un profesor de cada un dos departamentos adscritos ao centro.
b) Tres estudantes elixidos por e entre os seus representantes en Xunta de Centro.
c) Un membro do PAS da biblioteca do centro.

O decano ou director do centro comunicará ao director da biblioteca os membros que integran a Comisión de Biblioteca de Centro.
A duración do mandato dos membros electos será de catro anos, agás no caso dos estudiantes que será de dous.

Artigo 15. A composición da Comisión de Biblioteca Intercentros é:
1.- Presidente: o cargo de presidente será rotatorio e renovaráse cada dous anos. Exercerá en primeiro lugar o decano ou director de centro de maior antigüidade nese cargo.
2.- O director da biblioteca intercentros

3.- Vocais:

a) Os decanos e directores de centro que non exerzan como presidentes da Comisión.
b) Seis profesores elixidos polas Xuntas de Centro. Ten que haber polo menos un de cada un dos departamentos adscritos ao centro.
c) Un estudante por cada centro participante na Comisión, elixidos por e entre os seus representantes en Xunta de Centro.
d) Un membro do PAS da biblioteca intercentros.

O decano ou director do centro que exerza como presidente comunicará ao director da Biblioteca os membros que integran a Comisión de Biblioteca intercentros.
A duración do mandato dos membros electos será de catro anos, agás no caso dos estudiantes que será de dous.

Artigo 16 . As funcións das comisións de bibliotecas de centro ou intercentros son:

a) Participar na proposta de mellora dos servizos, espazos e equipamento da biblioteca.
b) Elevar propostas de mellora á Comisión de Biblioteca da UDC.
c) Propoñer criterios de distribución do orzamento da biblioteca de centro ou intercentros.
d) Velar polo cumplimento das directrices xerais na área da súa competencia, dentro do marco deste Regulamento
e) Analizar as propostas, suxestións e reclamacións dos usuarios da Biblioteca que non poidan ser resoltas polo director da biblioteca de centro ou intercentros.
f) Resolver calquera cuestión relacionada co servizo que lle someta a consideración o seu presidente ou un terzo, alomenos, dos membros da Comisión.
g) Calquera outra función, dentro do ámbito da súa competencia, que lle sexa encomendada

Artigo 19. A Biblioteca Central á súa vez estrutúrase en seccións que son transversais. Á fronte de cada unha delas haberá un xefe de sección coas seguintes funcións:

a) Dirixir e asesorar os traballos do personal adscrito á sección
b) Coordinar o traballo da sección coas unidades restantes
c) Organizar e planificar o funcionamento dos servizos e tarefas no ámbito da súa sección, e establecer a homoxeneización dos mesmos para todas as bibliotecas.
d) Elaborar os informes e suministrar os datos que lles sexan solicitados polo xefe do servizo no ámbito da súa sección.
e) Aquelas outras que, no ámbito da súa sección, lles encomende o xefe de servizo.

Artigo 20. As principais funcións das distintas xefaturas de sección, sen prexuizo das que poidan crearse no futuro, son:

1. Sección de Adquisicións

a) Elaborar a política de desenvolvemento das coleccións do Servizo de Biblioteca
b) Xestionar a adquisición centralizada de suscricións de publicacións periódicas, tanto impresas como electrónicas.
c) Xestionar as outras adquisicións centralizadas, e realizar o seguimento das cofinanciadas con outras institucións.
d) Xestionar e coordinar os plans de expurgo, conservación e doazóns

2. Sección de Información e Coordinación

a) Responsabilizarse dos procesos de comunicación entre as unidades centrais e as bibliotecas de centros.
b) Responsabilizarse dos procesos de comunicación cos usuarios finais cando se trate de asuntos de interés xeral e/ou interdisciplinar ou que afecten a usuarios de mais dunha biblioteca de centro.
c) Manter actualizada e estruturada a información da páxina web da Biblioteca, de acordo coas directrices que para os seus respectivos ámbitos establezan as demáis seccións, sen prexuizo do ámbito que lle corresponda á Sección de Información e Coordinación.
d) Seleccionar, organizar e difundir as fontes de información. Supervisar o acceso aos recursos de información electrónicos do Servizo de Biblioteca.
e) Elaborar, desenvolver e executar o plano de formación de usuarios en coordinación coas bibliotecas de centros e intercentros.
f) Xestionar o servizo centralizado de información bibliográfica.

3. Sección de Proceso Técnico

a) Xestionar e manter o catálogo automatizado.
b) Xestionar o sistema automatizado da Biblioteca e activar as melloras nas prestacións do mesmo.
c) Establecer criterios unificados de catalogación de acordo coas normativas nacionais e internacionais.
d) Xestionar e coordinar o repositorio institucional.

4. Sección de Acceso ao Documento:

a) Facilitar aos membros da comunidade universitaria os documentos non dispoñibles nas coleccións da UDC mediante a xestión do servizo de préstamo interbibliotecario, e subministrar ás biblliotecas alleas os documentos que solicitan.
b) Xestión do acceso ás coleccións dixitais, e aos fondos da Biblioteca Central.
c) Propoñer a normativa de préstamo, e elaborar as instruccións de acceso e uso das coleccións.
d) Xestión e conservación das tesis depositadas na Biblioteca Central.
e) Outorgar ás persoas alleas á Universidade a condición de usuarios externos, de acordo cos criterios que se establezan.

Artigo 21. Os directores das bibliotecas de centros teñen, entre as súas funcións:

a) Exercer a direción técnica e administrativa da biblioteca do centro ou intercentros da que son responsables.
b) Organizar e dirixir os traballos do persoal ao seu cargo.
c) Elaborar as estatísticas e informes que lles sexan solicitados polo xefe do servizo, así como calquera outra información que lles solicite.
d) Informar sobre propostas de mellora ou sobre os problemas específicos da biblioteca da que sexan responsables.
e) Recoller e analizar as suxestións que lles fagan chegar os usuarios da biblioteca.
f) Representar á biblioteca do centro.
g) Aquelas outras que, no ámbito da súa competencia, lles encomende o xefe do servizo.

 Artigo 22. O persoal do Servizo de Biblioteca estará constituido por funcionarios que pertenezan aos corpos de facultativos, axudantes e auxiliares de arquivos e bibliotecas. A biblioteca poderá contar, ademáis, con personal administrativo, auxiliar, e subalterno.

Artigo 23. Todo o personal adscrito á biblioteca terá como función prioritaria, dentro das funcións que lle correspondan, facilita-lo acceso dos usuarios ós servizos da biblioteca,estando suxeitos ós cambios e á evolución do servizo.

Artigo 36. A Carta de Dereitos e Deberes dos Usuarios está exposta en todos os puntos de servizo

Artigo 37. O Servizo de Biblioteca establecerá programas de formación de usuarios para favorecer a súa autonomía informacional e promocionar o uso das coleccións.

Artigo 38. O Servizo de Biblioteca terá por obxectivo servir de soporte documental, bibliográfico e informativo aos procesos da aprendizaxe e da investigación. Para este cometidom cóntase cos seguintes medios:

a) Unha colección propia, en papel e electrónica, maioritariamente en libre acceso e debidamente organizada para a súa consulta in situ, a domicilio ou remotamente
b) O acceso a coleccións externas que complementan a propia, tanto en papel como electrónicas
c) Unhas instalacións cun número axeitado de postos de lectura así como de puntos de acceso a Internet, ademáis duns espazos e ambiente axeitado para o estudo individual e para o traballo en grupo
d) Persoal capacitado para resolver as demandas de información que presenten os usuarios

Artigo 39. Con estes medios, o Servizo de Biblioteca da Universidade da Coruña, oferta, principalmente, os seguintes servizos:

a) Salas de lectura e estudo individual e en grupo. As salas contarán cos equipamentos e tecnoloxías que permitan o uso de documentos multimedia e o estudo con este tipo de ferramentas por parte dos usuarios.
A consulta en sala dos fondos bibliográficos é de carácter público e gratuito, pero poderá sufrir restriccións temporais por mor de garantir o servizo aos membros da comunidade universitaria.
b) Información bibliográfica e de referencia, información sobre a bibliografía recomendada e soporte informativo a traballos de investigación e académicos.
c) Acceso ao documento: préstamo a domicilio, préstamo interbibliotecario
d) Formación de usuarios con vistas ao desenvolvemento de habilidades informacionáis
e) Acceso a recursos electrónicos.

Artigo 40. Os servizos deberán estar adaptados aos novos modos de aprendizaxe, fomentando a creación espazos axeitados para o traballo en grupo, a autoformación e a formación a distancia e colaborando co persoal docente e investigador na preparación de materiais didácticos e/ou bibliográficos, tanto para a docencia como para a investigación

Artigo 41. A prestación dos distintos servizos poderá ser regulada por normativas específicas, que tratarán sobre condicións de acceso aos mesmos así como sobre medidas sancionadoras cando proceda